Alice in Chains
Alice in Chains | |
|---|---|
 Alice in Chains í september 2007. Frá vinstri til hægri: William DuVall, Sean Kinney, og Jerry Cantrell. | |
| Upplýsingar | |
| Uppruni | Seattle, Washington í Bandaríkjunum |
| Ár | 1987–2002, 2005–nú |
| Stefnur | Öðruvísi rokk, grugg, þungarokk |
| Útgáfufyrirtæki | Columbia, Virgin/EMI |
| Samvinna | Class of '99, Comes with the Fall, Mad Season, Spys4Darwin |
| Meðlimir | Jerry Cantrell William DuVall Mike Inez Sean Kinney |
| Fyrri meðlimir | Mike Starr Layne Staley |
| Vefsíða | www.aliceinchains.com |
Alice in Chains er bandarísk rokkhljómsveit stofnuð í Seattle í Washington árið 1987 af gítarleikaranum Jerry Cantrell og söngvaranum Layne Staley. Sveitin er þekkt fyrir einstakan söngstíl sem oftar en ekki samanstóð af raddsettum söng þeirra Staley og Cantrell.
Alice in Chains öðlaðist heimsfrægð sem hluti af grugghreyfingunni í byrjun tíunda áratugar tuttugustu aldar líkt og hljómsveitir á borð við Nirvana, Pearl Jam og Soundgarden. Hljómsveitin daðraði í upphafi við glysrokk undir nafninu Alice N' Chains en breytti um stefnu m.a. undir áhrifum gítarleikara Soundgarden, Kim Thayil. [1]
Hljómsveitin var ein sú vinsælasta á tíunda áratugnum með yfir 17 milljónir seldar plötur um heim allan. Tvær plötur hljómsveitarinnar lentu í fyrsta sæti á Billboard 200-listanum (Jar of Flies og Alice in Chains), 14 lög í topp tíu á Mainstream Rock Tracks-listanum. hljómsveitin hefur hlotið ellefu tilnefningar til Grammy-verðlaunanna.
Þrátt fyrir að hafa aldrei lagt upp laupana formlega, var Alice in Chains óvirk um langt skeið vegna fíkniefnanotkunar meðlima sem náði hámarki við dauða Layne Staley árið 2002. Alice in Chains tóku aftur upp þráðinn árið 2005 með nýjan söngvara að nafni William DuVall og gáfu út plötuna Black Gives Way to Blue, fyrstu breiðskífu sveitarinnar í 14 ár, árið 2009.[2] [3]
Hljómsveitarmeðlimir
[breyta | breyta frumkóða]- Jerry Cantrell – aðalsöngvari og bakraddasöngvari, aðal gítarleikari (1987–2002, 2005–nú)
- William DuVall – aðalsöngvari og bakraddasöngvari, ryþmagítarleikari (2006–nú)
- Mike Inez – bassaleikari, bakraddasöngvari (1993–2002, 2005–nú)
- Sean Kinney – trommari, ásláttarhljóðfæraleikari (1987–2002, 2005–nú)
Fyrrum meðlimir
[breyta | breyta frumkóða]- Mike Starr – bassaleikari, bakraddasöngvari (1987–1993)
- Layne Staley – aðalsöngvari, ryþmagítarleikari (1987–2002)
Útgáfur
[breyta | breyta frumkóða]Breiðskífur
[breyta | breyta frumkóða]- Facelift (1990)
- Dirt (1992)
- Alice in Chains (1995)
- Black Gives Way to Blue (2009)
- The Devil Put Dinosaur Bones Here (2013)
- Rainier Fog (2018)
Stuttskífur
[breyta | breyta frumkóða]- We Die Young (1990)
- Sap (1992)
- Jar of flies (1994)
Tónleikaplötur
[breyta | breyta frumkóða]- MTV Unplugged (1996)
Tenglar
[breyta | breyta frumkóða]- Opinber heimasíða (á ensku)
Tilvísanir
[breyta | breyta frumkóða]- ↑ “It’s when we started to find ourselves…”: How Facelift saw Alice In Chains go from hair metal local heroes to grunge superstars – with a little help from Soundgarden Loudersound.com
- ↑ Alice in Chains - Biography Allmusic
- ↑ "We're all going to lose somebody, and it hurts. How do you move on?": How Alice In Chains came back from the brink Loudersound.com