Luanda

Luanda
	Kapital na Angola
Divishon atministrativo
Pais	Angola
Koordinatonan	8°50′18″S 13°14′4″E / 8.83833°S 13.23444°E
Historia
Fundashon	1576;
Geografia
Área	113000000
Elevashon	6 meter
Poblashon
Poblashon; (1 yüli 2018)	2,487,444 habitante; 0.02 habitante/km²
Idioma	Português
Mapa detayá di Luanda
	Imágennan riba Wikimedia Commons
	[Editá Wikidata] · [Manual]

Luanda ta kapital i siudat mas grandi di Angola, un pais situá na kosta di Oséano Atlántiko, den West Afrika. Luanda ta sirbi komo e sentro atministratívo, polítiko, ékonomiko i kultural di e nashon. Segun estimashon resiente, Luanda tin mas ku 8.8 mion habitante den su área metropolitano, loke ta posishon'e entre e siudatnan mas grandi di kontinente Afrika.

Historia

Luanda a ser fundá na aña 1576 dor di e kolonisadó portugues Paulo Dias de Novais, bou di e nòmber "São Paulo da Assunção de Loanda". E siudat a sirbi komo un punto esensial pa e komèrsio di esklabu durante e periodo kolonial. Durante mas ku 400 aña di dominio portugues, Luanda a krese den importansia komo un hub marítimo i atministratívo.

Despues ku Angola a haña su independensia for di Portugal na 1975, Luanda a bira ofisialmente e kapítal di e pais. Den e tempu di guera sivil (1975–2002), e siudat a krese rapidamente pa motibu di migrashon interno.

Ekonomia

Luanda ta un di e siudatnan mas karu pa biba den Afrika i meskos riba nivel global, prinsipalmente pa via di e stranheronan ku ta biba segun un "expat lifestyle". E siudat ta un hub di industria di petroleo, konstrukshon, komèrsio i servisionan financiero. Varios kompania multinashonal tin su sede den Luanda.

Arkitektura i kultura

Luanda tin un meskla arkitektural di estilo kolonial portugues, edifisio moderno, i barionan informal (bairro). Un di e strukturanan mas simbóliko ta Fortaleza de São Miguel, ku a ser traha den siglo 16 pa defende e siudat. Den kultura, Luanda ta konosí pa su músika kuduro, semba i kizomba, i e siudat tin varios museo, teatro i espasio pa ekspreshon artístiko.