Adonis
| Reizh pe jener | paotr  |
|---|---|
| Anv e yezh-vamm an den | Άδωνις |
| Doare mervel | unnatural death |
| Killed by | Hoc'h-gouez |
| Tad | Cinyras, Theias, Phoenix |
| Mamm | Myrrha, Alphesiboea |
| Breur pe c'hoar | Myrrha, Braesia, Laogore, Orsedice |
| Kompagnun(ez) | Afrodite, Persefone |
| Bugel | Beroe, Golgos |
| Tachenn labour | chaseal |
| Azeulet gant | Relijion er gevredigezh hellazek |
| Tachenn ar sant pe doue | Kened, desire |
| Labour da-heul | Adonis |
| Present in work | Metamorfozoù, L'Adone |
| Deskrivet dre | Adonis, Dying Adonis |
Adonis (Άδωνης pe Άδωνις e henc'hresianeg) a oa unan eus doueed Hellaz kozh, patrom ar par en engehentañ.
Orin
[kemmañ | kemmañ ar vammenn]A orin fenikian e oa. Kemmoù a c'hoarvezas dezhañ avat en Egipt hag e Kiprenez kent dezhañ degouezhout en Hellaz.
Mojenn
[kemmañ | kemmañ ar vammenn]Mab e oa da g-Kinyras, roue Kiprenez, ha da v-Myrra a voe troet e gwezenn.
Karet e oa gant Afrodite, doueez ar garantez, a fizias anezhañ e Persefone, doueez ar re varv, a garas anezhañ ivez, hag a fellas dezhi e virout eviti hec'h-unan. Ma'z eas Afrodite da glemm ouzh Zeus.
Setu pezh a zivizas mestr an doueed: e-pad pevar miz e vije gant an eil, e-pad pevar miz all gant eben, hag e-pad pevar miz all ez aje gant an hini a garje.
Mat e vije bet an traoù panevet da Ares (pe Apollon, pe Artemis, hervez ar mojennoù), a oa displijet o welout Afrodite ken sot gant Adonis.
Unan eus ar re warizius eta a gasas ur pemoc'h-gouez da lazhañ Adonis kaezh, a dapas un taol dant en e c'haol. Hag Afrodite er glac'har, ha da skuilhañ daeloù ken e rae.
Arouez ar vuhez
[kemmañ | kemmañ ar vammenn]Arouez an natur hag ar vuhez e oa, arouez ar glazur o tiskenn e rouantelezh ar re varv er goañv hag o tistreiñ war an douar en hañv, arouez ar marv hag an dasorc'h, nevez bep bloaz.