Tân Kim-hong
 | 這篇文章有漢字兮版本。 參考這篇文章兮漢字版本。 |
| Tân Kim-hong 陳金鋒 | |||
|---|---|---|---|
.jpg?lang=zh-min-nan) Tân Kim-hong tī ín-thè-sài leh táⁿ-kek | |||
Chhut-sì: 1977 nî 10 goe̍h 28 ji̍t (48 hòe) Tiong-hôa Bîn-kokTâi-lâm-koān Tōa-lāi-hiong Thâu-siā-chhun | |||
| |||
| Chit-gia̍p chho͘-chhù chhut-sài | |||
| Bí-kok Chit-pāng: 2002 nî 9 goe̍h 14, tī Lo̍k-sam-ki Dodgers | |||
| Tiong-hôa Chit-pāng: 2006 nî 3 goe̍h 21, tī La New Hîm | |||
| Chòe-āu chhut-sài | |||
| Bí-kok Chit-pāng: 2005 nî 7 goe̍h 20, tī Lo̍k-sam-ki Dodgers | |||
| Tiong-hôa Chit-pāng: 2016 nî 9 goe̍h 18, tī Lamigo Thô-oân | |||
| Bí-kok Chit-pāng sò͘-kì thóng-kè (chì 2005 nî ûi-chí) | |||
| Táⁿ-kek-lu̍t | 0.091 | ||
| An-táⁿ | 2 | ||
| Choân-lûi-táⁿ | 0 | ||
| Táⁿ-tiám | 2 | ||
| Thau-luí | 0 | ||
| Tiong-hôa Chit-pāng sò͘-kì thóng-kè (chì 2016 nî ûi-chí) | |||
| Táⁿ-kek-lu̍t | 0.304 | ||
| An-táⁿ | 738 | ||
| Choân-lûi-táⁿ | 132 | ||
| Táⁿ-tiám | 490 | ||
| Thau-luí | 69 | ||
| Tūi-ngó͘ | |||
|
Kiû-oân sî-kî
Kàu-liān sî-kî
| |||
| Seng-gâi cheng-chhái piáu-hiān kah ti̍t-chióng | |||
|
Kiû-oân sî-kî
| |||
| Tâi-oân Iá-kiû Bêng-jîn-tông sêng-oân | |||
 Iá-kiû Bêng-jîn-tông | |||
| Ji̍p-soán | 2023 nî | ||
| Tit-phiò-sò͘ | 41 | ||
| Soán-kí hong-hoat | Kēng-ki-lūi | ||
| Tit-kàu ê chióng | ||
|---|---|---|
Tāi-piáu  Tiong-hôa Tâi-pak
| ||
| Lâm-chú iá-kiû | ||
| A-chiu Iá-kiû Kím-phiau-sài | ||
 |
1997 nî Tâi-pak | Thoân-tūi |
|
1999 nî Hàn-siâⁿ | Thoân-tūi |
 |
2003 nî Sap-phó͘-lo͘h | Thoân-tūi |
|
2007 nî Tâi-tiong | Thoân-tūi |
| Káng-kháu-poe Kok-chè Iá-kiû Iau-chhiáⁿ-sài | ||
|
1997 nî Hô-lân | Thoân-tūi |
| Grand Forks International | ||
|
1997 nî Ka-ná-tāi | Thoân-tūi |
| A-chiu Ūn-tōng-hōe | ||
|
1998 nî Bān-kok | Thoân-tūi |
 |
2006 nî Tō͘-ha | Thoân-tūi |
| Iá-kiû Sè-kài-poe | ||
|
2001 nî Tâi-oân | Thoân-tūi |
| Tiong-chit Ji̍t-chit Tùi-khòng-sài | ||
|
2016 nî Ji̍t-pún | Thoân-tūi |
Tân Kim-hong (1977 nî 10 goe̍h 28 chhut-sì ), sī Tâi-oân ê chit-gia̍p iá-kiû soán-chhiú, phian-miâ "Tâi-oân kī-phàu", "éng-oán ê sì-hoan", sī Tâi-oân thâu-chi̍t-ūi tī Bí-kok Chit-gia̍p Iá-kiû Tāi Liân-bêng lē-hêng-sài lāi-té chhut-sài ê soán-chhiú, pēng-chhiáⁿ hian khí Tâi-oân kiû-oân lú-Bí ê hong-tiâu. 2005 nî-té tńg--lâi Tâi-oân liáu-āu ka-ji̍p La New Hîm, tī 2016 nî 9 goe̍h 18 Lamigo Thô-oân chú-tiôⁿ kí-hêng thè-hiu gî-sek, kâng-nî tī Tiong-hôa Bîn-kok 105 nî Siang-si̍p Kok-khèng tam-jīm kok-koa léng-chhiò (領唱)[1]. Tī 2017 nî Tâi-pak Sè-tāi-ūn ê khui-bō͘ tián-lé tang-tiong, í táⁿ-kek tōng-chok ka-siōng phang-á-phàu ê hong-sek kā sèng-hóe tiám hō͘ to̍h.
Tī Tân Kim-hong lú-Bí chìn-chêng, Tâi-oân ê iu-siù iá-kiû soán-chhiú lú-gōa lóng í Ji̍t-pún ûi-chú, chiâⁿ chē Tâi-oân soán-chhiú tī Ji̍t-chit mā tit-tio̍h bē-bái ê sêng-chek, chhiōⁿ "jī-Koeh it-Chng [chù 1]". Tân Kim-hong sī thâu-chi̍t-ê chèng-sek í Tāi Liân-bêng chò bo̍k-piau ê Tâi-oân kiû-oân, pēng-chhiáⁿ sêng-kong phah ji̍p-khì Tāi Liân-bêng. In-ūi Tân Kim-hong tī Sió-liân-bêng thâu-chi̍t-tang ê sêng-chek (tī 1A kiû-kùi phah-chhut 31-hoat hőng-bú-láng、31-pài thau-lúi ê "30—30" sêng-chek), thâu-chi̍t-pái ê Tāi Liân-bêng chhut-sài, kok-lāi ê kiû-oân mā tau̍h-tau̍h-á khai-sí kā chhut-kok ê bo̍k-piau choán-hiòng Tāi Liân-bêng, chiâⁿ chē Tāi Liân-bêng ê kiû-thàm mā khai-sí chù-ì tio̍h Tâi-oân ê iá-kiû soán-chhiú, Bí-kok Chit-pāng Tāi Liân-bêng mā chhú-tāi Ji̍t-pún Chit-pāng chiâⁿ-chò Tâi-oân to-sò͘ kiû-oân chhut-kok ê soán-te̍k.
Keng-le̍k
[siu-kái | kái goân-sí-bé]- Tâi-lâm-koān Siān-hòa-tìn Siān-hòa Kok-sió Siàu-pāng-tūi
- Tâi-lâm-chhī Ho̍k-heng Kok-tiong Chheng-siàu-pāng-tūi
- Tâi-pak-koān Tiong-hôa Tiong-ha̍k Chheng-pāng-tūi
- Ha̍p-chok Kim-khò͘ Iá-kiû-tūi
- Lio̍k-kong Iá-kiû-tūi
- Bí-kok Chit-pāng Lo̍k-sam-ki Dodgers (1999－2005 nî, ko-kai 1A→Tāi Liân-bêng, 2002 nî thâu-chi̍t-pái chìn-ji̍p Tāi Liân-bêng)
- Tiong-hôa Chit-pāng La New Hîm (2006 nî－2010 nî)
- Tiong-hôa Chit-pāng Lamigo Thô-oân (2011 nî－2016 nî)
- Tiong-hôa Chit-pāng Hù-pang Hān-chiòng hù-léng-tūi (2017 nî 3 goe̍h 23－2019 nî)
- Tiong-hôa Chit-pāng Hù-pang Hān-chiòng kò͘-būn (2020 nî 1 goe̍h 3 hō－2021 nî 11 goe̍h)
- Tiong-hôa Chit-pāng Hù-pang Hān-chiòng jī-kun chóng-kàu-liān kiam hù-léng-tūi (2022 nî－2023 nî)
- Tiong-hôa Chit-pāng Hù-pang Hān-chiòng it-kun chóng-kàu-liān (2024 nî－2025 nî)
- Hù-pang Io̍k-lo̍k táng-sū-tióⁿ te̍k-chō͘ (2025 nî－)
Seng-gâi
[siu-kái | kái goân-sí-bé]Tân Kim-hong seⁿ tī Tâi-lâm-koān Tōa-lāi-hiong Thâu-siā-chhun (Tōa-lāi-thâu-siā), ū Siraya-cho̍k ê pōe-kéng.
1997 nî 5 goe̍h, Tâi-pak A-chiu Iá-kiû Kím-phiau-sài, chún-koat-sài bīn-tùi Lâm-hân, 9-kio̍k-siōng nn̄g-lâng chhut-kio̍k khà-chhut an-táⁿ, kā pí-sò͘ jiok kah 8 : 7, tān-sī i beh cháu-khì saⁿ-lúi ê sî, tī saⁿ-lúi thâu-chêng hőng tha-chí-àu-tò͘ (タッチアウト), hō͘ pí-sài chū-án-ne kiat-sok. 1998 nî 12 goe̍h, Tân Kim-hong tāi-piáu Tiong-hôa-tūi chham-ka Bān-kok A-ūn, tī ī-sài bīn-tùi hāu-le̍k Bí-kok Chit-pāng Tāi Liân-bêng ê Lâm-hân tâu-chhiú Phok Chàn-hō (박찬호 / 朴贊浩 Park Chan Ho) kòng-chhut ko͘-hun hőng-bú-láng, tān-sī Tiong-hôa-tūi iá-sī tī 7-kio̍k hőng khő͘-tó͘ (called game), m̄-koh chit-tiôⁿ pí-sài mā hō͘ Bí-kok Chit-pāng khai-sí chù-ì tio̍h Tân Kim-hong ê táⁿ-kek lêng-le̍k, keh-nî tio̍h chiâⁿ-chò kīn-nî lâi thâu-chi̍t-ūi lú-Bí ê iá-kiû soán-chhiú.
Bí-kok Chit-pāng Sî-kî
[siu-kái | kái goân-sí-bé]Sió-liân-bêng Chho͘-kî Seng-gâi
[siu-kái | kái goân-sí-bé]1999 nî 3 goe̍h, Tân Kim-hong kah Bí-kok Chit-pāng Tāi Liân-bêng ê Lo̍k-sam-ki Dodgers kiû-thoân chhiam-iok, chhiam-iok-kim 68-bān Bí-kim, chiân-óng Bí-kok khai-sí thiau-chiàn sè-kài iá-kiû chòe-ko tiān-tông ê tui-bāng chi lō͘. Sui-jiân bat thoân-chhut kah Tâi-oân Tāi Liân-bêng ê siang-iok būn-tê, m̄-koh chòe-āu tio̍h bô kiat-kó--ah. Kâng-nî 3 goe̍h chèng-sek khì Bí-kok ka-ji̍p lē-sio̍k Lo̍k-sam-ki Dodgers kiû-thoân ê Sió-liân-bêng ko-kai 1A Inland Empire 66ers, phah-chhut 31-ki hőng-bú-láng, 31-pài thau-lúi, táⁿ-kek-lu̍t .316, 123-hun táⁿ-tiám ê iu-siù sêng-chek, hőng soán-chò Ka-chiu Liân-bêng nî-tō͘ MVP, sin-jîn-ông, chòe-ka 9-jîn, pēng-chhiáⁿ chiâⁿ-chò hit-ê liân-bêng thâu-chi̍t-ê ta̍t-sêng hőng-bú-láng－thau-lúi-sò͘ 30-30 ê kiû-oân, hőng soán-chò in liân-bêng tâu-chhiú "siōng bô-siōⁿ-beh bīn-tùi ê thûi-á-chhiú", i ê pōe-hō koh chiâⁿ-chò hit-tūi thè-hiu pòe-hō chi-it[2].
2000 nî-thâu, Tân Kim-hong hőng phêng-chò Lo̍k-sam-ki Dodgers hē-thóng 10-tōa chiâm-le̍k sin-siù tē-it-miâ, siāng-sî peh khí--lih 2A San Antonio Missions, tān-sī in-ūi keng-thâu tio̍h-siong, kan-na phah-chhut táⁿ-kek-lu̍t .277, 67-hun táⁿ-tiám, 6-ki hőng-bú-láng, 23-pài thau-lúi ê sêng-chek.
2001 nî kiû-kùi khai-sí chìn-chêng, Tân Kim-hong chiap-siū chiàⁿ-keng-thâu chhiú-su̍t tī-liâu, pún-kùi tī ko-kai 1A Vero Beach Dodgers kah 2A Jacksonville Ji̍t-thâu chhut-sài, tī 128-tiôⁿ pí-sài tang-tiong phah-chhut táⁿ-kek-lu̍t .290, 91-hun táⁿ-tiám, 22-ki hőng-bú-láng ê sêng-chek. Tân Kim-hong tī Vero Beach Dodgers ê 62-tiôⁿ pí-sài tang-tiong phah kah khah bô lí-sióng, táⁿ-kek-lu̍t .268, 41-hun táⁿ-tiám, 5-ki hőng-bú-láng, chú-iàu sī tam-jīm chí-tēng táⁿ-kek; 6 goe̍h 14 peh khí--lih 2A liáu-āu sêng-chek chìn-pō͘ chiâⁿ chē, tī 50-tiôⁿ pí-sài tang-tiong táⁿ-kek-lu̍t .313, kòng-chhut 17-ki hőng-bú-láng koh ū 50-hun táⁿ-tiám. Kiû-kùi kiat-sok liáu-āu chham-ka A-lī-song-ná Chhiu-kùi Liân-bêng pí-sài, hőng pâi tī 26-miâ siāng ū chiâm-le̍k peh khí--lih Tāi Liân-bêng ê soán-chhiú lāi-té. 11 goe̍h, tāi-piáu Tâi-oân chham-ka Sè-kài-poe Iá-kiû-sài, i ê tn̂g-táⁿ piáu-hiān hō͘ lâng chiâⁿ ū ìn-siōng. Āu--lâi, Lo̍k-sam-ki Dodgers soan-pò͘ hō͘ Tân Kim-hong peh khí--lih 3A La-su-ûi-ka-su 51-khu-tūi, pēng-chhiáⁿ khǹg tī 40-lâng miâ-toaⁿ lāi.
2001 nî 11 goe̍h, Tân Kim-hong tāi-piáu Tiong-hôa-tūi chham-ka Sè-kài-poe Iá-kiû-sài, tī 10-tiôⁿ pí-sài lāi-té phah-chhut táⁿ-kek-lu̍t .429, 14-hun táⁿ-tiám, 4-ki hőng-bú-láng ê sêng-chek, kî-tiong tī kùi-kun-chiàn bīn-tùi Ji̍t-pún kòng-chhut nn̄g-ki hőng-bú-láng, pau-pān kui-tiôⁿ ê saⁿ-hun táⁿ-tiám, koh ka-siāng tâu-chhiú Tioⁿ Chì-ka hong-só Ji̍t-pún ê táⁿ-kek, chò-hóe chhōa-niá Tiong-hôa-tūi tit-tio̍h hit-kài ê sè-kài-poe kùi-kun, siāng-sî mā tit-tio̍h hit-kài ê táⁿ-tiám-ông.
Tāi Liân-bêng kah 3A Seng-gâi
[siu-kái | kái goân-sí-bé]2002 nî kiû-kùi tī 3A phah-chhut táⁿ-kek-lu̍t .284, 84-hun táⁿ-tiám, 26-ki hőng-bú-láng ê sêng-chek, tān-sī mā hőng sa̋n-sín 160-pài. 9 goe̍h 9 hō, Tân Kim-hong peh khí--lih Tāi Liân-bêng, chiâⁿ-chò Tâi-oân thâu-chi̍t-ūi peh khí--lih Bí-kok Chit-pāng Tāi Liân-bêng ê kiû-oân. 9 goe̍h 14, thâu-chi̍t-pái teng-tiôⁿ, tit-tio̍h Tāi Liân-bêng seng-gâi thâu-chi̍t-pái pó-sàng, koh tit-tio̍h Tāi Liân-bêng seng-gâi thâu-chi̍t-hun, lo̍h-bóe 5 táⁿ-sò͘ bô an-táⁿ, 3-pài sa̋n-sín, 1-pài pó-sàng, tit-tio̍h 1-hun.
2003 nî, sui-jiân Tân Kim-hong tī Tāi Liân-bêng jia̍t-sin-sài phah-chhut .579 ê táⁿ-kek-lu̍t kah 10-hun táⁿ-tiám ê sêng-chek, tān-sī in-ūi chêng-chi̍t-tang ê sa̋n-sín-lu̍t chiâⁿ koân, iu-goân tùi Sió-liân-bêng 3A khai-sí i ê kiû-kùi. 7 goe̍h 10 hō, Tân Kim-hong koh-chi̍t-pài peh khí--lih Tāi Liân-bêng, tī ûi-it--ê chi̍t-pái tāi-táⁿ ki-hōe bô piáu-hiān, koh hőng pàng--lo̍h-khì 3A. 9 goe̍h Tāi Liân-bêng khok-pian, Dodgers chhut-lâng ì-liāu chi-gōa bô kā Tân Kim-hong khǹg tī Tāi Liân-bêng, Tân Kim-hong chū-àn-ne thê-chêng tńg-khì Tâi-oân chún-pī chham-ka nî-té--ê A-kím-sài. Pún-kùi lóng-chóng tī 3A phah-chhut táⁿ-kek-lu̍t .282, táⁿ-tiám 86-hun, hőng-bú-láng 26-ki ê sêng-chek, m̄-koh hőng sa̋n-sín 106-pài. Tī Tāi Liân-bêng lóng-chóng 6 táⁿ-sò͘ bô an-táⁿ.
2003 nî 11 goe̍h, Tân Kim-hong tāi-piáu Tiong-hôa-tūi chham-ka koan-hē tio̍h A-tián Ò-ūn chham-sài chu-keh ê Sap-phó͘-lo͘h (
2004 nî, Tân Kim-hong in-ūi chhiam-chèng ê būn-tê iân-āu tńg--khì Bí-kok, mā hō͘ i bô-hoat-tō͘ ji̍p-khì khai-kùi 25-lâng miâ-toaⁿ lāi-té. 4 goe̍h 13, tē-3-tō͘ peh khí--lih Tāi Liân-bêng, iá-sī bô an-táⁿ ê piáu-hiān. 7 goe̍h 16, Tân Kim-hong koh-chi̍t-pài tī Tāi Liân-bêng chhut-sài, tān-sī in-ūi chhâi-phòaⁿ gō͘-phòaⁿ tì-sú seng-gâi thâu-chi̍t-hun táⁿ-tiám bô-khì, tē-4-pái peh khí--lih Tāi Liân-bêng iu-goân bô an-táⁿ, koh hőng pàng--lo̍h-khì 3A. 8 goe̍h, Tân Kim-hong tāi-piáu Tâi-oân chham-ka A-tián Ò-ūn. 9 goe̍h, Tân Kim-hong tē-5-pái ji̍p-khì Tāi Liân-bêng, tān-sī kāng-khoán bô an-táⁿ ê piáu-hiān. Pún-kùi lóng-chóng 3-pái ji̍p-khì Tāi Liân-bêng, peh-ê táⁿ-sò͘ bô an-táⁿ, tit-tio̍h 1-hun, 3-pài sa̋n-sín, 2-pài pó-sàng. Tī Tāi Liân-bêng lóng-chóng 17 táⁿ-se̍k 14 táⁿ-sò͘ bô an-táⁿ, tit-tio̍h 2-hun, 6-pài sa̋n-sín, 3-pài pó-sàng.
_(cropped).jpg?lang=zh-min-nan)
2005 nî 1 goe̍h, Tân Kim-hong hō͘ kiû-tūi sóa chhut--khì 40-lâng miâ-toaⁿ, kan-na ē-tàng tī 3A kè-sio̍k tán-thāi ki-hōe. 7 goe̍h 3 hō, in-ūi gōa-iá-chhiú J. D. Drew tio̍h-siong, Tân Kim-hong chiap-tio̍h kiû-thoân thong-ti, tē-6-pái ji̍p-khì Tāi Liân-bêng. Dodgers kā tio̍h-siong ê pó͘-chhiú Paul Bako tùi 40-lâng miâ-toaⁿ lāi-té sóa chhut--khì, hō͘ Tân Kim-hong thang teng-lo̍k tī 40-lâng miâ-toaⁿ lāi-té.
.jpg?lang=zh-min-nan)
2005 nî 7 goe̍h 4 hō tī Lo̍k-sam-ki Dodgers tùi-chiàn Colorado Rockies ê pí-sài, tē-7-kio̍k móa-lúi chiap-thè Hân-kok-che̍k ê Chhui Hi-sia̍p (최희섭 / 崔熙涉 Choi Hee-seop) tāi-táⁿ, khà-chhut kò-jîn Tāi Liân-bêng seng-gâi thâu-chi̍t-ki an-táⁿ, pēng-chhiáⁿ ū nn̄g-hun ê táⁿ-tiám. 7 goe̍h 23, Dodgers tùi i thê-chhut chí-tēng choán-niō. 7 goe̍h 28, i tńg--khì kàu 3A kè-sio̍k phah-piàⁿ. Tī La-su-ûi-ka-su 51-khu 4-tang ê seng-gâi lāi-té, Tân Kim-hong chhòng-chō hit-tūi tūi-sú kò-jîn hőng-bú-láng, táⁿ-tiám siāng-chē ê kì-lo̍k.
_(Cropped).jpg?lang=zh-min-nan)
_(Cropped).jpg?lang=zh-min-nan)
_(Cropped).jpg?lang=zh-min-nan)
_(Cropped).jpg?lang=zh-min-nan)
It-poaⁿ jīn-ûi Tân Kim-hong tī Tāi Liân-bêng, Sió-liân-bêng chi-kan khí-khí-lo̍h-lo̍h, bô-hoat-tō͘ tī Tāi Liân-bêng khiā hō͘ chāi ê goân-in kah i ê soán-kiû lêng-le̍k kah siú-pī lêng-le̍k bô-ha̍p Tāi Liân-bêng ê iau-kiû ū chin-tōa--ê koan-hē. Sui-jiân tn̂g-táⁿ lêng-le̍k sī m̄-bián hoâi-gî--ê, tān-sī chit-kúi-tang tī 3A bô bêng-hián sêng-tióng ê soán-kiû lêng-le̍k kah tiong-hā ê gōa-iá siú-pī chiâⁿ-chò Tân Kim-hong bô-hoat-tō͘ tī Tāi Liân-bêng khiā hō͘ chāi ê tì-miā-siong. Ūi-tio̍h cheng-ka chiōⁿ Tāi Liân-bêng ê ki-hōe, Tân Kim-hong bat kái liān it-lúi-chhiú, m̄-koh iá-sī bô sek-ha̍p ê ūi-tì thang hō͘ i ún-tēng--ê sian-hoat ki-hōe. Tī kah Dodgers kái-iok liáu-āu, khó-lū tio̍h ka-têng in-sò͘, Tân Kim-hong tńg--khì Tâi-oân ka-bêng Tiong-hôa Chit-pāng.
Tiong-hôa Chit-pāng Sî-kî
[siu-kái | kái goân-sí-bé]La New Hîm Sî-kî
[siu-kái | kái goân-sí-bé]
2006 nî Tiong-hôa Chit-pāng Soán-siù-hōe Tân Kim-hong tī tē-it-lûn hō͘ La New Hîm kéng-tio̍h, sī chit-pái soán-siù-hōe ê chiōng-goân.
2006 nî 10 goe̍h 8 hō, tī Tâi-tiong Iá-kiû-tiôⁿ tùi-chiàn Hèng-lông Gû ê pí-sài tiong, chiâⁿ-chò tē-jī-ūi ta̍t-sêng 20－20 (thau-lúi 20-pài, hőng-bú-láng 20-ki) ê pún-thó͘ kiû-oân. Tân Kim-hong iu-siù ê piáu-hiān mā hō͘ i tit-tio̍h 2006 nî Tiong-hôa Chit-pāng Táⁿ-tiám-ông (81-hun táⁿ-tiám), Chòe-ka chí-tēng táⁿ-kek (thâu-chi̍t-ê kiû-kùi chhut-sài 91, an-táⁿ 109, táⁿ-tiám 81, hőng-bú-láng 21, táⁿ-kek-lu̍t .317, thau-lúi 20). I ê piáu-hiān mā pang-chō͘ kiû-tūi tit-tio̍h téng, ē-pòaⁿ-kùi koan-kun, koh tī 2006 nî Tâi-oân Tōa-sài í 4 : 0 kā Thóng-it Sai lu kng-thâu, Tân Kim-hong mā tit-tio̍h MVP. Chêng-chi̍t-tang tú hoat-seng O͘-hîm Sū-kiāⁿ ê Hîm-tūi, in-ūi Tân Kim-hong ê éng-hióng, chú-tiôⁿ phiò-pâng kan-na chió 2% niā-niā[3].
2006 nî 12 goe̍h, Tân Kim-hong tāi-piáu Tiong-hôa-tūi chham-ka Tō͘-ha A-ūn, tī tùi-chiàn Ji̍t-pún ê pí-sài tang-tiong, 9-kio̍k siōng-pòaⁿ, 7 pí 6, Tiong-hôa Sêng-pāng-tūi iu-goân lo̍k-hō͘ chi̍t-hun, Tân Kim-hong khà-chhut chiàⁿ-gōa-iá hong-hiòng ê jī-lúi an-táⁿ, Tiong-hôa-tūi kong-chiàm jī-saⁿ-lúi, āu-chi̍t-hoan Lîm Tì-sèng khà-chhut iû-kek hong-hiòng ê chài-kiàn an-táⁿ, í 8 pí 7 phah-pāi Ji̍t-pún-tūi, tit-tio̍h Tiong-hôa Sêng-pāng-tūi thâu-chi̍t-ê A-ūn kim-pâi.
2007 nî Tân Kim-hong piáu-hiān iu-goân chiâⁿ hó, tit-tio̍h 2007 nî Tiong-hôa Chit-pāng Táⁿ-kek-ông. Sui-jiân kiû-tūi chóng-koan-kun ōe-bián sit-pāi, tān-sī i iu-ī ê piáu-hiān, iá-sī hō͘ Tân Kim-hong tit-tio̍h 2007 nî Tâi-oân Tōa-sài pāi-hong Iu-siù Kiû-oân-chióng.
2007 nî 12 goe̍h, Tân Kim-hong tāi-piáu Tiong-hôa-tūi chham-ka 2007 nî A-chiu Iá-kiû Kím-phiau-sài, tī tùi-chiàn Ji̍t-pún ê pí-sài tang-tiong, bīn-tùi Ji̍t-pún 2007 nî Te̍k-chhun-sióng (澤村賞) tâu-chhiú Ta̍t-pí-siu Iú (ダルビッシュ 有 / Darvish Yu) kòng-chhut 2-hun táⁿ-tiám ê hőng-bú-láng, hō͘ Tiong-hôa tùi Ji̍t-pún chiām-sî í 2 : 1 léng-sian, tān-sī hit-tiôⁿ pí-sài Tiong-hôa-tūi lo̍h-bóe iá-sī í 2 : 10 su hō͘ Ji̍t-pún.
2008 nî 8 goe̍h, sui-jiân io-siong á-bōe hó, m̄-koh Tân Kim-hong iu-goân ji̍p-soán Tiong-hôa Tāi-piáu-tūi chham-ka Pak-kiaⁿ Ò-ūn. Tān-sī tī chèng-sek pí-sài ê piáu-hiān bô ī-kî--ê hiah-nī hó, kan-na tī tùi-chiàn Tiong-kok-tūi ê-sî khà-chhut chi̍t-ki it-lúi an-táⁿ, sài-āu kám-kak io bô-sóng-khoài, tùi Kó͘-pa, Lâm-hân téng-téng ê tiōng-iàu pí-sài lóng bô chhut-sài. 8 goe̍h 19 tùi-chiàn Bí-kok, chêng-chi̍t-kang phah chí-thiàⁿ-chiam hū-siong chiōⁿ-tiôⁿ, khà-chhut chi̍t-ki jī-lúi an-táⁿ, m̄-koh iá-sī bô-hoat-tō͘ hō͘ Tiong-hôa-tūi phah-iâⁿ Bí-kok, lo̍h-bóe í 2 pí 4 su hō͘ Bí-kok-tūi, bô-iân chìn-kip 4-kiông. Tân Kim-hong tī Pak-kiaⁿ Ò-ūn, táⁿ-kek-lu̍t .143, kan-na 2-ki an-táⁿ.
2009 nî i kòng-chhut 27-ki hőng-bú-láng, chiâⁿ-chò i tī Tiong-chit ê seng-gâi-nî. Kah hit-tang-chūn ê tūi-iú Lîm Tì-sèng nn̄g-lâng tan-kùi lóng-chóng phah-chhut 58-ki hőng-bú-láng, mā sī sú-siāng siāng-chē hőng-bú-láng ê saⁿ, sì-hoan.
Lamigo Thô-oân Sî-kî
[siu-kái | kái goân-sí-bé].jpg?lang=zh-min-nan)
2011 nî, La New Hîm poaⁿ khì Thô-hn̂g kái-miâ Lamigo Thô-oân liáu-āu, Tân Kim-hong chū-goān tam-jīm tūi-tióⁿ, hi-bāng ē-tàng chhōa-niá khah siàu-liân ê kiû-oân chò-hóe phah-piàⁿ[4]. I chit-tang ê chhut-sài tiôⁿ-chhù kan-na 48-tiôⁿ, só͘-í Tân Kim-hong tī keh-nî koh chhiam 2-nî iok, pó-chiong nî-sin 600-bān-kho͘, kek-lē chióng-kim pau-hâm nî-tō͘ táⁿ-kek-ông chióng-kim, táⁿ-tiám-ông, tan-kùi chhut-sài táⁿ-se̍k, chiōⁿ-lúi-lu̍t téng bo̍k-piau, chóng kè-ta̍t siāng-koân ū 1100-bān-kho͘[5]. Chū 2014 nî khai-sí, Tân Kim-hong tio̍h kah kiû-thoân chhiam chi̍t-nî ê ha̍p-iok, jî-chhiáⁿ chiâⁿ-chē-pái tī it, jī-kun khí-khí-lo̍h-lo̍h, tī it-kun mā khah-chē sī tùi tāi-táⁿ chhut-hoat, Lamigo Thô-oân kiû-thoân chū-àn-ne mā ín-khí kiû-bê ê put-boán.
2016 nî 1 goe̍h, Tân Kim-hong soan-pò͘ Tiong-hôa Chit-pāng 27 nî phah-liáu tio̍h ē kiat-sok kiû-oân seng-gâi[6]. Tī 3 goe̍h ê Tiong-Ji̍t Chit-pāng Tùi-khòng-sài lāi-té, Tân Kim-hong tam-jīm Tiong-hôa Chit-pāng Tāi-piáu-tūi tūi-tióⁿ, pēng-chhiáⁿ tī sài-sū kiat-sok liáu-āu kí-hêng kok-chè-sài ín-thè gî-sek, chèng-sek kiat-sok i ê kok-chè-sài seng-gâi. 3 goe̍h 19, tī Thô-hn̂g Kok-chè Iá-kiû-tiôⁿ tùi-chiàn Tiong-sìn Hiaⁿ-tī ê khui-bō͘-chiàn kòng-chhut hőng-bú-láng, sī 2013 nî 10 goe̍h 11 liáu-āu koh-chi̍t-pài kòng-chhut hőng-bú-láng. Tân Kim-hong mā tī kiû-oân seng-gâi ê siāng-bóe chi̍t-tang tam-jīm tūi-tióⁿ, tī Lîm Tì-sèng choán-tūi liáu-āu chiâⁿ-chò kek-lē siàu-liân kiû-oân ê cheng-sîn léng-siù kak-sek. M̄-nā sī kek-lē tūi-iú, ka-kī tī táⁿ-kek ê hong-bīn mā ū iu-siù ê piáu-hiān, 5 goe̍h kòng-chhut gō͘-ki hőng-bú-láng, tan-goe̍h tit-tio̍h sì-pái tan-tiôⁿ MVP ê piáu-hiān, hō͘ i tit-tio̍h kè 2008 nî 6 goe̍h liáu-āu koh-chi̍t-pài ê tan-goe̍h MVP[7].
2016 nî 6 goe̍h 3 hō, tī Chiu-chè Iá-kiû-tiôⁿ tùi-chiàn Gī-tāi Sai-gû kòng-chhut siang-hiáng-phàu, m̄-nā sī keng-kòe 3 nî 10 kó͘-goe̍h liáu-āu koh-chi̍t-pài kòng-chhut siang-hiáng-phàu, mā-sī kòe 7-tang liáu-āu koh-chi̍t-pài tī tan-kùi kòng-chhut chhiau-kòe 10-ki hőng-bú-láng.
2016 nî 9 goe̍h 18, Lamigo Thô-oân tī siāng-bóe chi̍t-tiôⁿ kà-ji̍t chú-tiôⁿ lē-hêng-sài sài-āu kí-pān Tân Kim-hong ín-thè gî-sek, pēng-chhiáⁿ Lamigo kiû-thoân táng-sū-tióⁿ Lâu Pó-iū chèng-sek soan-pò͘ pòe-hō 52-hō ē lia̍t-chò kiû-tūi thè-hiu pòe-hō[8].
Léng-tūi kah Kò͘-būn Sî-kî
[siu-kái | kái goân-sí-bé]
2017 nî 3 goe̍h 24, kah Hù-pang Hān-chiòng chhiam--loeh 3-tang ê ha̍p-iok, tam-jīm kiû-thoân hù-léng-tūi[9]. Tī 3-nî ê ha̍p-iok kiat-sok liáu-āu, tī 2020 nî choán-jīm kiû-thoân kò͘-būn[10].
Kàu-liān Sî-kî
[siu-kái | kái goân-sí-bé]2021 nî 12 goe̍h 9 hō, Hù-pang Hān-chiòng soan-pò͘ kah Tân Kim-hong chhiam--loeh kàu-liān ha̍p-iok, 2022 nî kiû-kùi khai-sí tam-jīm kiû-tūi ê jī-kun chóng-kàu-liān[11].
2023 nî 12 goe̍h 30, Hù-pang Hān-chiòng soan-pò͘ hō͘ Tân Kim-hong chiap-jīm it-kun chóng-kàu-liān[12]. Tān-sī liân-sòa nn̄g-tang chiàn-chek bô hó, tiàu-tō͘ mā hō͘ kiû-bê put-boán, 2025 nî kiû-kì kiat-sok liáu-āu iû Hō͘-têng Kong-chun chiap-jīm, Tân Kim-hong kái-chò Hù-pang Io̍k-lo̍k táng-sū-tióⁿ te̍k-chō͘.
Sêng-pāng Kok-chhiú Keng-le̍k
[siu-kái | kái goân-sí-bé]- 1997 nî A-chiu Iá-kiû Kím-phiau-sài (tit-tio̍h Chòe-ka Gōa-iá-chhiú)
- 1998 nî Í-tāi-lī Sè-kài-poe Iá-kiû-sài (tit-tio̍h Choân-lúi-táⁿ-ông)
- 1998 nî Bān-kok A-chiu Ūn-tōng-hōe
- 1999 nî Hàn-siâⁿ A-chiu Iá-kiû Kím-phiau-sài
- 2001 nî Tâi-pak Sè-kài-poe Iá-kiû-sài (tit-tio̍h Táⁿ-tiám-ông)
- 2003 nî Sap-phó͘-lo͘h A-chiu Iá-kiû Kím-phiau-sài
- 2004 nî A-tián Ò-ūn
- 2006 nî Tō͘-ha A-ūn (Tiong-hôa Sêng-pāng-tūi tī A-ūn siāng-hó ê sêng-chek: kim-pâi)
- 2007 nî Tâi-oân Sè-kài-poe Iá-kiû-sài
- 2007 nî A-chiu Iá-kiû Kím-phiau-sài
- 2008 nî Pak-kiaⁿ Ò-ūn
- 2016 nî Tiong-chit Ji̍t-chit Tùi-khòng-sài
Te̍k-sû Sū-chek
[siu-kái | kái goân-sí-bé]- 1999 nî Sió-liân-bêng ko-kai 1A Ka-chiu Liân-bêng ê San Bernardino Stampedes kā Tân Kim-hong ê 43-hō kiû-saⁿ thè-hiu.
- 2006 nî 7 goe̍h 12, tī Toā-pi-ô͘ Iá-kiû-tiôⁿ tùi-chiàn Tiong-sìn Keng ê pí-sài, liân-sòa saⁿ-ê táⁿ-se̍k (tē-jī, sì, la̍k-kio̍k) kòng-chhut hőng-bú-láng, jiok-pêⁿ liân-bêng ê kì-lo̍k.
- 2007 nî 3 goe̍h 17 khui-bō͘-chiàn tan-tiôⁿ 4-hun táⁿ-tiám, jiok-pêⁿ chiân Bī-choân Liông iôⁿ-chiòng Mathis tè-chō ê Tiong-hôa Chit-pāng khui-bō͘-chiàn siāng-koân--ê táⁿ-tiám kì-lo̍k, chit-ê kì-lo̍k tī keh-nî khui-bō͘-sài hō͘ Thóng-it Sai ê lāi-iá-chhiú Ko Kok-khèng kah Tân Kim-hong in a-hiaⁿ － kâng-tūi ê gōa-iá-chhiú Tân Liân-hông hun-pia̍t í 5-hun kah 7-hun chhiau-kòe.
- 2008 nî 4 goe̍h 25, tùi-chiàn dmedia Pō-liông ê pí-sài, tan-tiôⁿ kòng-chhut 2-ki hőng-bú-láng, chhòng-chō siāng-kín ta̍t-sêng 50-ki hőng-bú-láng ê kì-lo̍k.
- 2009 nî téng-pòaⁿ-kùi 18-hong, sī pún-thó͘ kiû-oân pòaⁿ-kùi siāng-chē hőng-bú-láng ê kì-lo̍k [chù 2].
- 2009 nî 8 goe̍h 19 tī Tâi-lâm Iá-kiû-tiôⁿ tùi-chiàn Thóng-it 7-ELEVEn Sai, kòng-chhut kò-jîn pún-kùi tē-20-ki hőng-bú-láng, kah Lîm Tì-sèng ta̍t-sêng Tiong-hôa Chit-pāng thâu-chi̍t-pái kâng-chi̍t-tūi ū nn̄g-ūi pún-thó͘ thûi-á-chhiú tan-kùi phah-chhut chhiau-kòe 20-ki hőng-bú-láng ê kì-lo̍k.
- 2011 nî 4 goe̍h 5 hō, tī tē-453-tiôⁿ pí-sài khà-chhut tē-100-ki hőng-bú-láng, chiâⁿ-chò hit-tang-chūn Tiong-hôa Chit-pāng siāng-kín oân-sêng pah-hong ê soán-chhiú, āu--lâi hō͘ bat hőng kiò-chò "sió Tân Kim-hong" ê Ko Kok-hui[13]tī 2016 nî 9 goe̍h 18 Tân Kim-hong ín-thè-sài hit-kang phah-phòa kì-lo̍k.
- 2016 nî 3 goe̍h 19 tī khui-bō͘-chiàn kòng-chhut hőng-bú-láng, chhòng-chō seng-gâi khui-bō͘-chiàn sian-hoat lóng kòng-chhut hőng-bú-láng ê te̍k-pia̍t kì-lo̍k.
Chit-pāng Seng-gâi Sêng-chek
[siu-kái | kái goân-sí-bé]Bí-kok Chit-pāng
[siu-kái | kái goân-sí-bé]Sió-liân-bêng
[siu-kái | kái goân-sí-bé]- Pêng-kin táⁿ-kek-lu̍t / chiōⁿ-lúi-lu̍t / tn̂g-táⁿ-lu̍t sī 0.288 / 0.369 / 0.509, lóng-chóng khà-chhut 892-ki an-táⁿ, kî-tiong 146-ki sī hőng-bú-láng
Tāi Liân-bêng
[siu-kái | kái goân-sí-bé]| Nî-tō͘ | Kiû-tūi | Chhut-sài | Táⁿ-se̍k | Táⁿ-sò͘ | Tit-hun | An-táⁿ | Hőng-bú-láng | Sì-sí | Sa̋n-sín | Thau-luí | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t | OPS |
|---|---|---|---|---|---|---|---|---|---|---|---|---|---|---|
| 2002 | Lo̍k-sam-ki Dodgers | 3 | 6 | 5 | 1 | 0 | 0 | 1 | 3 | 0 | 0.000 | 0.167 | 0.000 | 0.167 |
| 2003 | 1 | 1 | 1 | 0 | 0 | 0 | 0 | 0 | 0 | 0.000 | 0.000 | 0.000 | 0.000 | |
| 2004 | 8 | 10 | 8 | 1 | 0 | 0 | 2 | 3 | 0 | 0.000 | 0.200 | 0.000 | 0.000 | |
| 2005 | 7 | 8 | 8 | 1 | 2 | 0 | 0 | 4 | 0 | 0.250 | 0.250 | 0.250 | 0.500 | |
| Ha̍p-kè | 4-tang | 19 | 25 | 22 | 3 | 2 | 0 | 3 | 10 | 0 | 0.091 | 0.200 | 0.091 | 0.291 |
Tiong-hôa Chit-pāng
[siu-kái | kái goân-sí-bé]- (Chho͘-o͘-jī sī hit-nî siōng-hó ia̍h siōng-koân ê sêng-chek)
| Nî-tō͘ | Kiû-tūi | Chhut-sài | Táⁿ-sò͘ | An-táⁿ | Hőng-bú-láng | Táⁿ-tiám | Thau-luí | Sì-sí | Sa̋n-sín | Lúi-táⁿ-sò͘ | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t | OPS |
|---|---|---|---|---|---|---|---|---|---|---|---|---|---|---|
| 2006 | La New Hîm | 91 | 344 | 109 | 21 | 81 | 20 | 36 | 72 | 193 | 0.317 | 0.397 | 0.561 | 0.958 |
| 2007 | 88 | 301 | 115 | 26 | 66 | 11 | 53 | 50 | 212 | 0.382 | 0.491 | 0.704 | 1.195 | |
| 2008 | 66 | 240 | 88 | 16 | 70 | 4 | 28 | 53 | 157 | 0.367 | 0.434 | 0.654 | 1.088 | |
| 2009 | 114 | 412 | 132 | 27 | 99 | 7 | 53 | 86 | 232 | 0.320 | 0.400 | 0.563 | 0.963 | |
| 2010 | 83 | 308 | 83 | 8 | 32 | 11 | 30 | 72 | 114 | 0.269 | 0.334 | 0.370 | 0.704 | |
| 2011 | Lamigo Thô-oân | 48 | 141 | 43 | 6 | 26 | 5 | 37 | 31 | 73 | 0.305 | 0.459 | 0.518 | 0.977 |
| 2012 | 62 | 212 | 46 | 9 | 35 | 3 | 32 | 54 | 77 | 0.217 | 0.332 | 0.363 | 0.695 | |
| 2013 | 49 | 167 | 49 | 6 | 23 | 0 | 13 | 40 | 83 | 0.293 | 0.349 | 0.497 | 0.846 | |
| 2014 | 43 | 80 | 11 | 0 | 6 | 0 | 13 | 21 | 12 | 0.138 | 0.255 | 0.150 | 0.405 | |
| 2015 | 41 | 45 | 9 | 0 | 7 | 1 | 6 | 18 | 11 | 0.200 | 0.288 | 0.244 | 0.532 | |
| 2016 | 67 | 180 | 53 | 13 | 45 | 7 | 30 | 46 | 100 | 0.294 | 0.393 | 0.556 | 0.949 | |
| Ha̍p-kè | 11-tang | 752 | 2430 | 738 | 132 | 490 | 69 | 385 | 543 | 1264 | 0.304 | 0.394 | 0.520 | 0.914 |
Chóng-kàu-liān Sî-kî
[siu-kái | kái goân-sí-bé]| Nî-tō͘ | Kiû-tūi | Miâ-chhù | Chhut-sài | Sèng-tiûⁿ | Hô-kio̍k | Pāi-tiûⁿ | Sèng-lu̍t | Sèng-chha | Pī-chù |
|---|---|---|---|---|---|---|---|---|---|
| 2024 | Hù-pang Hān-chiòng | 5 | 120 | 53 | 1 | 66 | .445 | 16.5 | |
| 2025 | 6 | 120 | 46 | 0 | 74 | .383 | 24.0 | ||
| Ha̍p-kè: 2-tang | 240 | 99 | 1 | 140 | .414 | ||||
Chù-kha
[siu-kái | kái goân-sí-bé]- ↑ Chí Koeh Goân-tī, Koeh Thài-goân, Chng Sèng-hiông saⁿ-ê-lâng
- ↑ Tī 2015 nî hō͘ Gī-tāi Sai-gû ê Ko Kok-hui chhiau-kòe
Koh Khòaⁿ
[siu-kái | kái goân-sí-bé]- Tâi-oân iá-kiû-sú
- Bí-kok Chit-pāng Tāi Liân-bêng
- Tâi-oân chhut-sì Tāi Liân-bêng soán-chhiú lia̍t-toaⁿ
- Tiong-hôa Chit-gia̍p Pāng-kiû Tāi Liân-bêng
- Iá-kiû
- Lo̍k-sam-ki Dodgers
- Lamigo Thô-oân
Chham-khó Chu-liāu
[siu-kái | kái goân-sí-bé]- ↑ 臺灣的驕傲 雙十國慶陳金鋒領唱國歌 Archived 2017-08-20 at the Wayback Machine.，中央社，20160916
- ↑ http://www.nownews.com/2007/09/23/341-2161871.htm
- ↑ "卡好中華職棒觀眾人數分析－中華職棒17年". Goân-pún bāng-ia̍h Pó-chûn tī 2020-07-26. 2016-04-28 khòaⁿ--ê.
- ↑ "中華職棒／希望幫助球隊更多 陳金鋒自願當隊長". Goân-pún bāng-ia̍h Pó-chûn tī 2016-04-28. 2016-04-28 khòaⁿ--ê.
- ↑ "中華職棒／陳金鋒與桃猿簽2年總值最高2200萬合約". Goân-pún bāng-ia̍h Pó-chûn tī 2016-04-28. 2016-04-28 khòaⁿ--ê.
- ↑ "十年前回中職十年後哽咽宣布離開 陳金鋒感謝劉董看重". Goân-pún bāng-ia̍h Pó-chûn tī 2021-02-24. 2016-04-28 khòaⁿ--ê.
- ↑ 中職／五月份投打MVP出爐 陳金鋒相隔8年再獲獎 Archived 2016-09-28 at the Wayback Machine.，三立新聞，20160601
- ↑ 中職》永遠的台灣巨砲 陳金鋒9月18日榮退儀式 Archived 2021-02-27 at the Wayback Machine.，自由時報，20160613
- ↑ 郭羿婕 (2017-03-22). "中職》陳金鋒接富邦副領隊 明天上任" (ēng Hôa-gí). 自由時報. Goân-pún bāng-ia̍h Pó-chûn tī 2022-10-05. 2022-10-01 khòaⁿ--ê.
- ↑ 歐建智 (2020-01-03). "中職／陳金鋒新職務宣布 富邦悍將顧問" (ēng Hôa-gí). ETtoday新聞雲. Goân-pún bāng-ia̍h Pó-chûn tī 2022-10-04. 2022-10-01 khòaⁿ--ê.
- ↑ 龔乃玠 (2021-12-24). "中職》富邦公布完整教練團！ 陳金鋒披上52號球衣" (ēng Hôa-gí). 自由時報. Goân-pún bāng-ia̍h Pó-chûn tī 2022-10-06. 2022-10-01 khòaⁿ--ê.
- ↑ 陳立勳 (2023-12-30). "富邦悍將也換總教練 陳金鋒接棒上任". ETtoday. Goân-pún bāng-ia̍h Pó-chûn tī 2023-12-29. 2023-12-30 khòaⁿ--ê.
- ↑ 《棒球冷知識》誰是「小陳金鋒」？ Archived 2016-09-28 at the Wayback Machine.，OttoCat棒球新聞雜記＠痞客邦部落格
Gōa-pō͘ Liân-kiat
[siu-kái | kái goân-sí-bé]
- Tâi-oân Pāng-kiû Wiki-koán：陳金鋒(Hàn-gí)
| chêng-jīm: Khó͘ Chì-hôa |
Tiong-hôa Chit-pāng Sin-lâng Soán-siù chiōng-goân 2006 nî |
kè-jīm: Tân Kang-hô |
| chêng-jīm: Khu Chhiong-êng |
Hù-pang Hān-chiòng chóng-kàu-liān 2024 nî－2025 nî |
kè-jīm: Hō͘-têng Kong-chun |
| Chióng-hāng | ||
|---|---|---|
| chêng-jīm: Tân Koàn-jīm |
Tiong-hôa Chit-pāng Táⁿ-kek-ông 2007 nî |
kè-jīm: Phêⁿ Chèng-bín |
| chêng-jīm: Chiā Ka-hiân |
Tiong-hôa Chit-pāng Táⁿ-tiám-ông 2006 nî |
kè-jīm: Brito |
| chêng-jīm: Chan Hàn-chiu |
Tiong-hôa Chit-pāng Chòe-ka 10-jîn Chióng (chí-tēng táⁿ-kek) 2006 nî－2009 nî |
kè-jīm: Tioⁿ Thài-san |
| chêng-jīm: Ia̍p Kun-chiong |
Tâi-oân Tōa-sài MVP 2006 nî |
kè-jīm: Figueroa |
| chêng-jīm: Lîm Ga̍k-pêng |
Tâi-oân Tōa-sài Iu-siù Kiû-oân-chióng (pāi-hong) 2007 nî |
kè-jīm: Ông Kim-ióng |
| ||||||||||||||||||||||||||||||||
| ||||||||||||
| ||||||||||||