Staples Center

Dimensión
Capacidade
Capacidade	19.060

Datas
	Inauguración 17 de outubro de 1999

Staples Center
	Os Ánxeles
	Staples Center
	Instancia de estadio de hóckey sobre xeo; pavillón deportivo; recinto multiusos
	Epónimo Crypto.com (en)
	Deporte hóckey sobre xeo; baloncesto
Persoas e organizacións
	Operador/a Anschutz Entertainment Group
	Ocupante Los Angeles Clippers; Los Angeles Sparks; Los Angeles Lakers; Los Angeles Kings
	Propietario/a Anschutz Entertainment Group
	Arquitecto/a NBBJ
Datas
	Inauguración 17 de outubro de 1999
Capacidade
Dimensión
Capacidade
Capacidade	19.060
Localización
	Situado en Os Ánxeles, Condado dos Ánxeles, California, Estados Unidos de América
	Localización L.A. Live
	Rúa Figueroa Street (pt)
	34°02′35″N 118°16′02″O / 34.043055555556, -118.26722222222
Fontes e ligazóns
	Páxina WEB cryptoarena.com
	Wikidata G:Commons C:Commons

O Staples Center é un pavillón multiúsos situado na cidade dos Ánxeles, en California (Estados Unidos). É un dos máis modernos e luxosos do mundo, situado no 1111 S de Figueroa Street. Financiouse por completo de maneira privada, tendo un custo final de 375 millóns de dólares. O seu nome débese a un dos seus patrocinadores, Staples Inc., unha cadea de establecementos con máis de 2.000 tendas en todo o mundo, a cal paga unha importante suma de diñeiro para dar nome ao pavillón.

Historia

Inaugurouse o 17 de outubro de 1999 e moi pronto obtivo o recoñecemento de todo o mundo, gañando en dúas ocasións o premio ao mellor Pavillón do Ano. Alberga máis de 250 eventos, tanto deportivos como de calquera índole, ademais de facer as funcións de centro comercial e de lecer ofrecendo servizos de toda clase. O Staples Center recibe máis de 4 millóns de visitas ao longo do ano.

Aforamento

O Staples Center pode albergar 20.000 espectadores para concertos, 18.997 para o baloncesto, e 18.118 para o hóckey sobre xeo e o fútbol americano indoor. As dúas terceiras partes dos asentos sitúanse no nivel inferior. Ademais, conta con 160 palcos de luxo e 15 suites para eventos.

Equipos

O pavillón é compartido polos seguintes equipos profesionais:

Los Angeles Lakers (NBA)
Los Angeles Clippers (NBA)
Los Angeles Sparks (WNBA)
Los Angeles Kings (NHL)
Los Angeles D-Fenders (NBA Development League, até 2011)
Los Angeles Avengers (AFL, até 2008)

Funeral de Michael Jackson

O 7 de xullo de 2009 realizouse no Staples Center o funeral de Michael Jackson, quen había falecido doce días antes na súa residencia desa cidade. Durante o concorrido evento, para o cal se sortearon 17.500 billetes de balde entre as persoas previamente rexistradas no sitio web do recinto, participaron diversos familiares e amigos do cantante, compartindo vivencias e interpretando algunhas das súas cancións máis populares. O cadaleito pechado de Jackson estivo presente entre o escenario e o público as dúas horas que durou a cerimonia, a cal foi transmitida en directo e de xeito gratuíto por Internet e tódalas canles de televisión que desexasen subscribirse.