Solor

Solor
Datu orokorrak
Garaiera	541 m
Mota	uhartea
Luzera	40 km
Zabalera	6 km
Azalera	222 km²
Geografia
Koordenatuak	8°28′35″S 122°59′02″E
Honen parte da	Sondako Uharte Txikiak
Estatu burujabe	Indonesia
Indonesiaren banaketa administratiboa	Nusa Tenggara Timur
Erregentzia	Flores Timur
Ur-gorputza	Ozeano Barea
Leku geografikoa	Sondako Uharte Txikiak

Solor, Solor uhartediari izena ematen dion uhartea da, Indonesian. 2020ko erroldaren arabera 34.029 biztanle ditu.

Geografia

Solor uhartedia Sondako uharte txikiak multzoan kokaturik dago, Flores eta Alor uharteen artean. Hiru uhartez osaturik dago, Solor, Adonara eta Lomben.

Hiru uharteen artean txikiena da Solor. 40 km-ko luzera eta 6 km-ko zabalera ditu, eta 226,34 km²-ko azalera. Bost sumendi ditu, denetan garaiena 541 metrotakoa da.

Historia

XIV. mendean Majapahit Inperioaren parte zen eta XVI. mendean Ternate Sultanerriaren menpe zegoen. Sandalo landarearen merkataritzan eskualdeko itsas-portu garrantzitsuena zen.

1520. urtean portugaldarrak iritsi ziren eta Lamakera herrian merkataritza postu bat ezarri zuten. 1562. urtean apaiz dominikarrek zurezko gotorleku bat eraiki zuten baina hurrengo urtean javatarrek erre egin zuten. 1566an dominikarrek harrizko gotorlekua eraiki zuten eta populazioa kristautzeari ekin zioten. 1613an herbeheretarrek eskuratu zuten uhartea eta dominikarrak kanporatu zituzten. 1648an berriz itzultzeko baimena eman zieten.

Bigarren Mundu Gerran 1942 eta 1945 artean japoniarrek okupatu zuten uhartea. 1949an Indonesiaren barnean gelditu ziren.

Ekonomia

Historikoki balearen ehizan aritu izan dira Solorreko biztanleak. Indonesian balea ehizatzen den toki bakarra da.

Iruditegia

• 
  Etxe tradizionala.
• 
  Errezurako tokia.
• 
  Solortarrak, arrantzaturiko balearekin.

Kanpo estekak

• Datuak: Q1421494
• Multimedia: Solor / Q1421494