Rouvroy-Ripont
| Rouvroy-Ripont | ||
|---|---|---|
| ||
| Region | Grand Est | |
| Département | Marne | |
| Arrondissement | Châlons-en-Champagne | |
| Kanton | Argonne Suippe et Vesle | |
| Kommünàlverbànd | Communauté de communes de l’Argonne Champenoise | |
| Koordinàte | 49° 14′ N, 4° 44′ O | |
| Heche | 124–125 m | |
| Flech | 11,77 km2 | |
| Iiwohner | 3 (1. Jänner 2020) | |
| Bevelkerungsdicht | 0 Iiw./km2 | |
| Code Postal | 51800 | |
| INSEE-Code | 51470 | |
| Dialäkt: Mìlhüüserdiitsch |
Rouvroy-Ripont 
[ʁuvʁwa ʁipɔ̃](info) ìsch a frànzeescha G’mainda mìt 3 Iiwoohner (Schtànd 1. Januar 2020) ìm Département Marne ìn dr Regioon Grand Est. Sa g’heert zem Kàntoon Argonne Suippe et Vesle un zem Arrondissement Châlons-en-Champagne.
D’ G’mainda ìsch ìm Äärschta Waltkriag zärschteert un d’rnooh nia wììder uffbàuija worra. Sa ìsch domìt d’ G’mainda mìt dr klainschta Beveelkerung ìm Département Marne.[1][2]
zem Dorfnàmma
[ändere | Quälltäxt bearbeite]Ìm Làuif vu dr G’schìcht hàt sìch dr Dorfnàmma vu Rouvroy asoo uff Làtiinisch un Àltfrànzeesch, schpeeter uff Frànzeesch äntwìckelt:[3]
- Rovroi (ànna 1217)
- Rouvretum (ànna 1246)
- Rouvroi (ànna 1253)
- Rouvray (ànna 1346)
- Terra nuncupata l'Aham de Rouvroy…, eadem censa de Rouvroy (ànna 1529)
- Les terres appellées Rouvroy, assizes assez proche de Sommetourbe et de Sommesuippes (ànna 1662)
- La ferme de Rouvroy (ànna 1766)
- Rouvroy-sur-Dormoise (ànna 1845)
Daa Nàmma schtàmmt vum Oïl-Wort rouvroi un b’zaichnet a Ort, wo mìt Triiwelaicha gepflànzt ìsch.[4] Daa Wort ìsch a eeschtliga Wàrianta vum Pikààrdischa rouvrai.[5]
Un ìm Làuif vu dr G’schìcht hàt sìch dr Dorfnàmma vu Ripont asoo uff Àltfrànzeesch un schpeeter uff Frànzeesch äntwìckelt:[6]
- Reipons (ànna 1250)
- Repont (ànna 1248)
- Rippont, Rippons (ànna 1346)
- Ripo[n]t, Ripon (ànna 1538)
Daa Nàmma schtàmmt vum Làtiinischa Rivus, d’ Oïl-Wärter Ri un Ru gaa hàt. Domìt bediitet dr Nàmma ‚Flussbrucka‘.[5]
D’ Dorfbewoohner vu Rouvroy-Ripont nännt m’r hìtt Capouillats [kapuja](info) (fìr d’ Manner) un Capouillates [kapujat](info) (fìr d’ Fràuija) uff Frànzeesch.[5][7]
wu ’s lììgt
[ändere | Quälltäxt bearbeite]
D’ G’mainda Rouvroy-Ripont lììgt äbba 50 Kilomeeter eeschtlig vu Reims àm Bachla Dormoise ìn dr Trockana Champagne.[8] Sa b’fìndet sìch grààd bii dr Granz zem noochberliga Ardenna-Département, äbba 20 km süüdlig vu Vouziers, 46 km wäschtlig vu Verdun, 19 km nordwäschtlig vu Sainte-Menehould un 40 km nordeeschtlig vu Châlons-en-Champagne.[5] Sa b’schteht üss da baida klaina Derfer Rouvroy un Ripont. Ripont ìsch ìm Äärschta Waltkriag ìn dr „Roota Zoona“ (Zone rouge) gsìì un ìsch nia wììder uffbàuija worra. D’ Süüdwäschthälfta vum G’maindagebiat ìsch Tail vum Truppa-n-ìawungsplàtz vu Suippes (camp de Suippes) un ìsch domìt a militäärisch Schpärrgebiat vu da Frànzeescha Schtraitkräfta. Umgaa ìsch Rouvroy-Ripont vu da Noochberg’mainda Fontaine-en-Dormois ìm Nordoschta, Cernay-en-Dormois ìm Süüdoschta, Sommepy-Tahure ìm Süüdwäschta so wia Gratreuil ìm Nordwäschta.[8]
wia sìch d’ Beveelkerung äntwìckelt hàt
[ändere | Quälltäxt bearbeite]| Joohr | 1962 | 1968 | 1975 | 1982 | 1990 | 1999 | 2008 | 2018 | |
|---|---|---|---|---|---|---|---|---|---|
| Iiwoohner | 9 | 12 | 10 | 8 | 8 | 2 | 7 | 6 | |
| Kwalla: Cassini un INSEE | |||||||||
wàs doo z’ sah ìsch
[ändere | Quälltäxt bearbeite]- d’ reemisch-kàthoolischa Mauriziüskìrìch (église Saint-Maurice) z’ Rouvroy. D’rìnn ìsch d’ fàrwiga Holzschtàtüüta vum hl. Mauriziüs üss’m 16. Joohrhundert àls Ainzelobjakt bii da Histoorischa Dankmooler iig’schtuuft, wo-n-a regionààla Bediitung hann. Sa schtàmmt üss dr Christophorüskìrìch z’ Ripont.[9]
- d’ reemisch-kàthoolischa Christophorüskìrìch z’ Ripont. D’rìnn ìsch zallamols a Holzschtàtüüta vum hl. Christophorüs üss’m 16. Joohrhundert àls Ainzelobjakt bii da Histoorischa Dankmooler klàssifiziart gsìì, wo-n-a nàzionààla Bediitung hann. Sa ìsch jedoch zärschteert worra, wu d’ Kìrìch ìm Äärschta Waltkriag schwaar b’schaadigt worra-n-ìsch.[10]
-
d’ Mauriziüskìrìch -
a àndra Sìcht vu dr Mauriziüskìrìch -
d’ Wäschtfàssààda vu dr Mauriziüskìrìch -
s’ Wäschtportààl -
wämm’r ìn d’ G’mainda iinafàhrt -
s’ Kriagerdankmool -
wàs àm Füass vum Kriagerdankmool g’schrììwa-n-ìsch -
d’ Nàmmatààfla àm Kriagerdankmool -
s’ Bìrgermaischteràmt -
uff’m Frììdhoof -
uff’m Frììdhoof -
dr Härrgott uff’m Frììdhoof
Lìteràtüür zem Ort
[ändere | Quälltäxt bearbeite]- Jean-Louis le Hingrat: La Reconstruction après la Première Guerre mondiale dans l’ancien canton de Ville-sur-Tourbe. In: Le petit journal de Sainte-Menehould et ses voisins d’Argonne. Nr. 87, 2020, S. 7–10 (französisch).
Lüag àui
[ändere | Quälltäxt bearbeite]Weblìnks
[ändere | Quälltäxt bearbeite]
Commons: Rouvroy-Ripont – Sammlig vo Multimediadateie- Schtàtistik züa dr G’mainda Rouvroy-Ripont biim INSEE (frànzeesch)
- Informàzioona züa dr G’mainda Rouvroy-Ripont ìn dr Dààtabànk vu dr LdH/EHESS/Cassini (frànzeesch)
- Schtàtistischa Dààta züa dr G’mainda Rouvroy-Ripont, wo düü kààsch ufflààda bii data.gouv.fr (frànzeesch)
- d’ G’mainda Rouvroy-Ripont ìm Informàzioonsportààl BANATIC vum frànzeescha Ìnnaminìschteerium (frànzeesch)
- a Online-Kàrta vu Rouvroy-Ripont bii Géoportail (frànzeesch)
Ainzelnoohwiisa
[ändere | Quälltäxt bearbeite]- ↑ Stephen Thiebault: La plus petite commune de la Marne, Rouvroy-Ripont, a tout d’une grande. In: L’Union. 23. April 2017, archiviert vom Original am 15. Februar 2025; abgruefen am 4. September 2025 (französisch).
- ↑ Lili Pateman: CARTE. Villages détruits pendant la Première Guerre mondiale : ces terres qui n'ont plus jamais été habitées. France 3 Grand Est, 2. September 2025, abgruefen am 4. September 2025 (französisch).
- ↑ Auguste Longnon: Dictionnaire topographique de la Marne. Pàriis 1891, S. 231 (französisch, cths.fr [abgerufen am 4. September 2025]).
- ↑ Ernest Nègre: Toponymie générale de la France. Band 2. Droz, Gämf 1996, S. 1259 (französisch).
- ↑ 5,0 5,1 5,2 5,3 Dia Informàzioona sìnn üss’m Àrtìkel Rouvroy-Ripont ìn dr frànzeescha Wikipedia ìwwernumma worra.
- ↑ Auguste Longnon: Dictionnaire topographique de la Marne. Pàriis 1891, S. 228 (französisch, cths.fr).
- ↑ Rouvroy-Ripont (51800). In: habitants.fr. Archiviert vom Original am 7. Juni 2023; abgruefen am 4. September 2025 (französisch).
- ↑ 8,0 8,1 Dia Informàzioona sìnn üss’m Àrtìkel Rouvroy-Ripont ìn dr hoochdiitscha Wikipedia ìwwernumma worra.
- ↑ statue : Saint Maurice ìn dr Base Palissy vum frànzeescha Kültüürminìschterium (frànzeesch)
- ↑ groupe sculpté : Saint Christophe portant l'Enfant ìn dr Base Palissy vum frànzeescha Kültüürminìschterium (frànzeesch)