Rechavam Ze'evi
| Rechavam Ze'evi | |||||
|---|---|---|---|---|---|
.jpg?lang=eo)
| |||||
| Persona informo | |||||
| רחבעם זאבי | |||||
| Naskiĝo | 20-an de junio 1926 en Jerusalemo | ||||
| Morto | 17-an de oktobro 2001 (75-jaraĝa) en Jerusalemo | ||||
| Mortis pro | hommortigo  vd
| ||||
| Mortigita de | Hamdi Quran vd | ||||
| Tombo | Armea Tombejo de Monto Herzl vd
| ||||
| Lingvoj | angla • hebrea vd | ||||
| Ŝtataneco | Brita mandato Palestino Israelo vd
| ||||
| Alma mater | Gimnazio Rehavia vd
| ||||
| Partio | National Union (en)  vd
| ||||
| Profesio | |||||
| Okupo | politikisto militisto oficiro vd
| ||||
| Aktiva en | Jerusalemo vd | ||||
| Aktiva dum | 1944–1974 vd | ||||
| |||||
| |||||
| vd | Fonto: Vikidatumoj | ||||
Reĥavʿam Zeʾevi (hebree רְחַבְעָם זְאֵבִי, Rəchavʿam Səʾevī, naskiĝis la 20-an de junio 1926 en Jerusalemo; mortis la 17-an de oktobro 2001 samloke) estis israela militisto kaj politikisto, kiu fondis la dekstrulan naciisman partion Moledet.[1]
Subtenanto de la transloĝigo de la tuta araba loĝantaro de Eretz Israel (inkluzive de Cisjordanio kaj la Gazaa Sektoro) al aliaj landoj surbaze de "internaciaj interkonsentoj kun arabaj landoj pri la principo de loĝantarinterŝanĝo" (rilate al la judoj kiuj estis elpelitaj el liaj hejmoj en la plejmulto de la arabaj landoj kiam Israelo ekestabliĝis).
Kariero
[redakti | redakti fonton]Li aliĝis al Palmach en 1942 kaj servis en la Israela Defendtrupoj post la establado de la Ŝtato Israelo. La vaste konata kromnomo de Ze'evi "Gandhi" originis de lia militservo - kiel tre svelta, okulvitra kaj razkapa viro, lia aspekto memorigis liajn kamaradojn pri Mahatma Gandhi. Estis pli ironia, ĉar lia sinteno rilate al araboj tute ne similis al la paca sinteno de la barata gvidanto. Lia plej alta rango en la IDF estis tiu de generalmajoro (aluf).[2][3]
En 1974, li fariĝis kontraŭterorisma konsilisto de la israela ĉefministro Jicĥak Rabin kaj, en 1975, spionkonsilisto. Ze'evi demisiis de ĉi tiu posteno en 1977 kiam Menaĥem Begin fariĝis ĉefministro. En 1981, Ze'evi estis nomumita direktoro de la Eretz Israela Muzeo en Tel-Avivo.
En 1988, Ze'evi fondis la partion Moledet ("Patrujo"). Ĉi tiu movado havis kiel sian ĉefan celon la transloĝigon de palestinanoj el Israelo, Gazao, Cisjordanio kaj Orienta Jerusalemo. En ĉi tiu senco, Ze'evi subtenis la postulitan "translokigon", terminon vaste uzatan en israela politika diskurso por elpelo. Li volis atingi tion, interalie, igante la vivon tiel neeltenebla por la palestinanoj, ke ili forirus propravole. Seniluziigita pri la Konferenco pri Mezoriento en Madrido en 1991, lia partio forlasis la Likud-registaron de Jicĥak Ŝamir.
Dum la sekvaj dek jaroj, lia partio restis en la opozicio. Li malakceptis la registarojn de Jicĥak Rabin kaj Ŝimon Peres, same kiel tiun de Ehud Barak. Post la elekto de Ariel Ŝaron kiel ĉefministro en 2001, li fariĝis Ministro pri Turismo kiel membro de la partio Nacia Unio. Kiel tia, li volis pli kaj pli celi evangelianojn en Usono. En intervjuoj, li subtenis la malnovan postulon de reviziisma cionismo, ke Jordanio apartenu al Israelo, ĉar tio estis ratifita en la Mandato de la Ligo de Nacioj por Palestino.
Li estis murdita la 18-an de oktobro 2001, en la koridoro de la hotelo Hyatt en Jerusalemo dum la Al-Aksa Intifado, per du pafoj en la kapo kaj alia en la kolo. Malpli ol horon poste, la Popola Fronto por la Liberigo de Palestino deklaris sin respondeca pri la atako, priskribante ĝin kiel reprezalion pro la antaŭa atenco kontraŭ politikisto Abu Ali Mustafa. Ze'ewi estis la unua servanta israela ministro murdita en la israel-palestina konflikto. [4][5]
Referencoj
[redakti | redakti fonton]- ↑ Zeevi profile (18a de Oktobro 2001).
- ↑ Rehavam Ze'evi: A controversial figure Arkivigite je 2007-04-05 per la retarkivo Wayback Machine, CNN (28a de Aprilo 2002)
- ↑ Rechavam (Gandhi) Ze'evi (1926–2001) Knesset biography (retrieved 8 August 2006)
- ↑ Joffe, Lawrence, "Rehavam Zeevi", 18 October 2001.
- ↑ Obituary Rehavam Ze'evi, 75, Known as Staunch Zionist and Ultra-hawk (18 October 2001).
Eksteraj ligiloj
[redakti | redakti fonton]- Kneset memorfestas Ze'evi[rompita ligilo] La Jerusalema Poŝto, la 2-an de novembro 2005
- Gastlibro en Memoro de Rehavam Ze'evi Kneset retejo