Rambo: First Blood Part II

Rambo: First Blood Part II
Títol	Rambo: First Blood Part II
Ficha tecnica
Dirección	George Pan Cosmatos
Producción	Buzz Feitshans
Disenyo de producción	Bill Kenney
Guión adaptau	Sylvester Stallone James Cameron
Basau en	una historia de Kevin Jarre basada en os personaches creyaus por David Morrell
Musica	Jerry Goldsmith
Soniu	Fred J. Brown Juno J. Ellis David W. Gray Denise Horta Rick Kline Donald O. Mitchell Marnie Moore Kevin O'Connell Margie O'Malley Michelle Pleis Michele Sharp Rob Young
Fotografía	Jack Cardiff
Montache	Mark Goldblatt Mark Helfrich
Escenografía	William Ladd Skinner Sig Tingloff
Vestuario	Tom Bronson
Maquillache	Leonard Engelman Elvira Oropeza Pamela S. Westmore
Peluquería	Bertha Chiu Kay Cole
Efectos especials	Fred J. Brown
Casting	Rhonda Young
Actors	Sylvester Stallone Richard Crenna Charles Napier Steven Berkoff Julia Nickson Martin Kove George Cheung Andy Wood Steve Williams William Ghent Voyo Goric Dana Lee
Color	Panavision Technicolor
Datos y cifras
País(es)	Estaus Unius Mexico Países Baixos
Anyo	1985
Estreno	22 de mayo de 1985 Estaus Unius 1 d'agosto de 1985 Países Baixos 22 d'agosto de 1985 Mexico
Chenero(s)	Cine d'acción
Durada	96 min.
Idioma(s)	Anglés Vietnamita Ruso
Companyías
Productora(s)	Carolco Pictures Anabasis Investments, N.V. Estudios Churubusco Azteca
Distribución	Tri-Star Pictures
Presupuesto	25,5 millons de dólars
Recauto	300,4 millons de dólars
Succesión de cintas
Precedida por	First Blood (1982, Ted Kotcheff)
Succedida por	Rambo III (1988, Peter MacDonald)
Informacions en bases de datos especializadas:

Rambo: First Blood Part II (títol orichinal en anglés, en aragonés Rambo: primera angre parte II, estrenada en Aragón con o títol en castellano de Rambo: Acorralado, parte II, en aragonés Rambo: acorralau, parte II) ye una cinta de cine d'acción estrenada l'anyo 1985 copoducida por o cine estausunidense, lo cine mexicano y lo cine neerlandés, dirichida por George Pan Cosmatos seguntes un guión adaptau por Sylvester Stallone y James Cameron (basau en una historia de Kevin Jarre basada a la vegada en os personaches creyaus por David Morrell), con una banda sonora orichinal de Jerry Goldsmith, una dirección de fotografía de Jack Cardiff, una producción cinematografica de Buzz Feitshans ta las productoras Carolco Pictures, Anabasis Investments, N.V. y Estudios Churubusco Azteca, y un elenco d'o cual en fan parte Sylvester Stallone, Richard Crenna, Charles Napier, Steven Berkoff, Julia Nickson, Martin Kove, George Cheung, Andy Wood, Steve Williams, William Ghent, Voyo Goric y Dana Lee, entre d'atros actors. Ye la segunda cinta d'a franquicia cinematografica Rambo, dimpués de First Blood (1982, Ted Kotcheff) y antes de Rambo III (1988, Peter MacDonald).

Tres anyos dimpués d'os escaicimientos en Hope (Washington), John Rambo, un antigo miembro d'as United States Army Special Forces, se troba en a garchola complindo treballos forzaus. Sam Trautman, o suyo antigo coronel mientres a Guerra de Vietnam, el visita ta explicar-li que lo Gubierno d'Estaus Unius creye que encara quedan presoneros de guerra en Vietnam y que s'ha aprebau una infiltración d'amagau en ixe país ta comprebar si ixo ye asinas, y que él ha estau designau ta estar qui cumpla dita misión. Rambo accepta, a cambio de recibir un indulto d'o president d'os Estaus Unius. Viacha enta Tailandia, a on se reúne con Roger Murdock, qui ye a lo cudiau d'a operación. Rambo s'infiltra en Vietnam, a on i contacta con Co Bao, una mesacha con Co Bao, una achent vietnamita que treballa ta los estausunidenses y organiza la puyada por un río dica plegar amán d'o campo de presoneros a on aparentent se troban os presoneros estausunidenses. Cuan i plega, constata que efectivament bi ha presoneros de guerra en o campo y, incumplindo las órdens recibidas, libera a un d'os presoneros. Pero cuan ha de plegar l'helicoptero que ha de levar-los enta la base, malas que Murdock conoix que torna con un presonero liberau, cancela la extraccción y fa tornar l'helicoptero sin Rambo ni lo presonero. En a base, Trautman comprén que els han enganyau y que la misión yera nomás que ta presentar debant d'a opinión publica estausunidense a un heroi de guerra afirmando que no heba trobau presoneros. Rambo plega en a mesma conclusión, en conoixer por o presonero que ha liberau que yera prevista la suya marcha d'o campo feba bels días, de modo que cuan él i plegase lo campo estase vuedo. Rambo ye capturau y en o campo constata que los vietnamitas contan con l'aduya de soldaus rusos. Cuan el fuerzan a contactar con a suya bae, Rambo menaza a Murdock por haber-lo albandonau, y poco dimpués fuye d'o campo, con un doble obchectivo: vengar-se d'os vietnamitas y d'os rusos y liberar a los presoneros ta levar-los enta los Estaus Unius.

A cinta s'ambienta en a suya epoca actual (1985) en Estaus Unius, Tailandia y Vietnam, y las suyas escenas se filmoron en Acapulco de Juárez, Tecoanapa y atros puestos de Guerrero y de Chiapas en Mexico.

Se tracta d'una cinta que ha recibiu bels premios y nominacions, en destacando una nominación a lo Premio Oscar a lo Millor Soniu en 1986 mientres a 58^ena edición d'os Premios Oscar, estando toz os atros premios y nominacions a los Premios Golden Raspberry.

Elenco

Actor	Papel	Notas
	'

Se veiga tamién

• Cine en 1985.
• Cintas de 1985.

Vinclos externos

• (en) Rambo: First Blood Part II en Internet Movie Database.

• Datos: Q319783