Plural

El plural l'è el nùmaro gramaticałe che vien doparà su nomi, agetivi, artìcołi e verbi par indicar na quantità de persone, robe o bestie piasè granda de uno.

Un saco de łéngue łe distingue el plural dal singołar che invése el ségna un referente (roba, bestia, persóna) soło; ma inte el móndo ghe xe anca łéngue che łe ga na fórma sóła (invariàbiłe) che ła fa da plural e anca da singołar. Ła difarensa ła se capise dal contesto.

• el corean e el japonéxe i ga na fórma soła che ła serve da plural e singołar.
• in maori quaxi tuti i nomi i ga a fórma soła che ła fa da singołar e plural, ma i ségna ła difarensa su l'artìcoło e ui pronomi: par exenpio "whare" xe singołar e plural (caxa/caxe) ma "te whare" (ła caxa) l'è difarente da "ngā whare" (łe caxe).
• in franséxe el plural el vien segnà in scritura ma no'l se dixe quaxi mai par via che ła -s finałe del plural ła xe muta.

Tante łéngue łe ségna el plural soło su serti grupi de parołe:

• in itałian i nomi in vocal acentà i xe invariàbiłi (la città / le città)
• in vèneto i nomi feminiłi in -ion i xe invariàbiłi (ła procesion / łe procesion), el nome "man" (ła man / łe man) e xe invariàbiłi anca serti feminiłi in -e par via che propio ła -e ła xe na final tìpica del plural feminiłe (ła ciave / łe ciave, na fòrbexe / łe fòrbexe)
• in todésco serti nomi in -e o -er i xe invariàbiłi almanco al nominativo

Controło de autorità	GND (DE) 4198427-4