Nicușor Dan
| Reizh pe jener | paotr  |
|---|---|
| Bro ar geodedouriezh | Roumania |
| Anv e yezh-vamm an den | Nicușor Dan |
| Anv-bihan | Nicușor, Daniel |
| Anv-familh | Dan |
| Deiziad ganedigezh | 20 Kzu 1969 |
| Lec'h ganedigezh | Făgăraș |
| Kompagnun(ez) | Q135857560 |
| Yezhoù komzet pe skrivet | roumaneg, galleg, saozneg |
| Micher | matematikour, stourmer, politiker, kelenner skol-veur |
| Tachenn labour | politiker |
| Karg | president of Romania |
| Bet war ar studi e | Universitatea din Bucuresti, University of Paris-Sud, École normale supérieure, Radu Negru National College, Paris North University |
| Professorship | kelenner titlet |
| Rener tezenn | Christophe Soulé, Daniel Barsky |
| Lec'h annez | Cotroceni Palace |
| Strollad politikel | politikour dieub |
| Bet war ar renk da vezañ dilennet | dilennadeg prezidant Roumania e 2025 |
| Perzhiad e | International Mathematical Olympiad |
| Ideologiezh politikel | Ukrainophilism |
| Lec'hienn ofisiel | https://nicusordan.ro/ |
Nicușor Dan, ganet d'an 20 a viz Kerzu 1969, zo ur politikour, matematikour, ha stourmer keodedel roumanat ha prezidant Roumania abaoe an 18 a viz Mae 2025[1][2]. A-raok e oa bet maer Bukarest abaoe 2020.
Buhez
[kemmañ | kemmañ ar vammenn]Ganet e Făgăraș, e rannvro Brașov, Dan a zo bet brudet en estrenvro evel matematikouor pa oa bet enoret div wech gant medalennoù aour e 1987 ha 1988 e Olimpiadoù etrebroadel ar matematikoù. Kroget en doa da studiañ matematik e Skol-veur Bukarest ha goude-se e oa dilojet da Vro-C'hall, hag eno en doa tapet ur vestroniezh en École normale supérieure hag un Doktorelezh war ar brederouriezh e Skol-veur Pariz 13. Goude e zistro da Roumania, Dan en doa krouet ar Școala Normală Superioară București, un ensavadur graet evit sikour hag harpañ ar studierien wellañ eus ar vro war an enklaskoù skiantel. Goude-se e oa deuet da vezañ stourmer keodedel.
Politikerezh
[kemmañ | kemmañ ar vammenn]Dan en doa savet, e 2015, Uniunea Salvaţi Bucureștiul (Unvaniezh evit saveteiñ Bukarest), evit stourm ouzh ar goubrenerezh ha gwareziñ an hêrezh. Bloaz war-lerc'h en doa kengrouet an Uniunea Salvați România (USR) (Unvaniezh evit Saveteiñ Roumania), met aet e oa kuit diouti e 2017 dre ma kave e oa re araokour, da glask un hent kreisoc'h. Dan a oa bet o servij e Kambr ar Gannaded e 2016, a-raok bezañ dilennet e Bukarest evel kentañ maer dieub e 2020[3]. Trec'h e oa bet hag adilennet e 2024. Evel maer en doa bet tro da lakaat ar pouez war ar frammoù foran hag an treuzwelusted a-fed merañ an arc'hant. Tamallet e oa bet dezhañ e oa re hir al labourioù sevel.
Dan a oa bet o keveziñ evel emstriver dieub evit dilennadeg prezidant Roumania e 2025 ha bet en doa 21% eus ar mouezhioù en dro gentañ, hag erruet e oa en eil plas[4][5]. En eil tro e oa enebet ouzh George Simion, rener Alianța pentru Unirea Românilor (AUR, Kevredad evit unvaniezh Roumaniz). Trec'h e oa bet warnañ gant 53,6% eus ar mouezhioù[6][7][8]. Dan a oa a-du gant selloù kornôgel, a-enep un emstriver broadelour hag euroamgredik.
Liammoù diavaez
[kemmañ | kemmañ ar vammenn]- (ro) Lec'hienn ofisiel
Daveennoù
[kemmañ | kemmañ ar vammenn]- ↑ https://www.ccr.ro/wp-content/uploads/2025/05/Hotarare_43_2025.pdf
- ↑ (fr) SAUVAGE Grégoire, Militant anticorruption, prodige des maths... Qui est le nouveau président roumain Nicusor Dan ?, France 24, 19/05/2025
- ↑ Nicuşor Dan, câştigător al alegerilor cu 282.631 de voturi. Gabriela Firea, 250.690 de voturi / Rezultatele în sectoare - date finale AEP - Politic - HotNews.ro (5 October 2020).
- ↑ Nationalist Simion wins first round of Romanian election rerun (en-GB)(2025-05-05).
- ↑ "Romanian presidential election: Far right clinches overwhelming victory in first round" (in en) (2025-05-05).
- ↑ Romanian liberal mayor Nicusor Dan wins tense race for presidency (en-GB)(2025-05-19).
- ↑ Tanno, Mitchell McCluskey, Sophie (2025-05-18). Romania’s pro-EU candidate beats hard-right rival to win presidential election (en).
- ↑ Pro-EU moderate Nicușor Dan wins Romanian presidential election stunner (en-GB)(2025-05-18).