Monty Python and the Holy Grail

Monty Python and the Holy Grail
Títol	Monty Python and the Holy Grail
Ficha tecnica
Dirección	Terry Gilliam Terry Jones
Aduyant de dirección	Gerry Harrison
Producción	Mark Forstater Michael White
Disenyo de producción	Roy Forge Smith
Guión orichinal	Graham Chapman John Cleese Eric Idle Terry Gilliam Terry Jones Michael Palin
Musica	Neil Innes
Fotografía	Terry Bedford
Montache	John Hackney
Vestuario	Hazel Pethig
Maquillache	Pam Luke Pearl Rashbass
Actors	Graham Chapman John Cleese Terry Gilliam Eric Idle Terry Jones Michael Palin Connie Booth Carol Cleveland Neil Innes Bee Duffell John Young Rita Davies Avril Stewart Sally Kinghorn Sandy Johnson
Color	Technicolor
Narrador	Michael Palin
Datos y cifras
País(es)	Reino Uniu
Anyo	1975
Estreno	14 de marzo de 1975 Los Angeles (California, Estaus Unius) 9 d'abril de 1975 Londres (Gran Londres, Reino Uniu)
Chenero(s)	Cine de comedia
Durada	92 min.
Idioma(s)	Anglés Francés Latín Sueco
Companyías
Productora(s)	Python (Monty) Pictures Michael White Productions National Film Trustee Company
Distribución	EMI Films
Presupuesto	282.035 libras esterlinas
Recauto	2.358.229 libras esterlinas
Informacions en bases de datos especializadas:

Monty Python and the Holy Grail (títol orichinal en anglés, en aragonés Monty Python y lo Santo Gredal, estrenada en Aragón con o títol en castellano de Los caballeros de la mesa cuadrada y sus locos seguidores, en aragonés Os caballers d'a mesa cuadrada y los suyos barrenaus seguidors) ye una cinta de cine britanico de cine de comedia estrenada l'anyo 1975, dirichida por Terry Gilliam y Terry Jones seguntes un guión orichinal de Graham Chapman, John Cleese, Eric Idle, Terry Gilliam, Terry Jones y Michael Palin, con una banda sonora orichinal de Neil Innes, una dirección de fotografía de Terry Bedford, una producción cinematografica de Mark Forstater y Michael White para las productoras Python (Monty) Pictures, Michael White Productions y National Film Trustee Company, y un elenco d'o cual en fan parte Graham Chapman, John Cleese, Terry Gilliam, Eric Idle, Terry Jones, Michael Palin, Connie Booth, Carol Cleveland, Neil Innes, Bee Duffell, John Young, Rita Davies, Avril Stewart, Sally Kinghorn y Sandy Johnson, entre d'atros actors.

En l'anyo 932, o Rei Arturo recorre Anglaterra con Patsy, lo suyo escudero, en busca de caballers ta que fagan parte d'os Caballers d'a Mesa Cuadrada, trobando situacions insolitas, como discutir con un grupo de campesins anarquistas. Finalment, troba a lo suyo primer caballero, sir Bedivere lo Sabio, a qui troba fendo un chudicio sobre bruixería. Poquet a poquer recluta a sir Lancelot o Valient, a sir Galahad o Puro, a sir Robin No Tan Valient Como Sir Lancelot y a sir No Apareixe En Ista Cinta, y con éls marcha enta Camelot pero cambia d'opinión en veyer un numero musical en ixe lugar, y decide marchar en busca d'o Santo Gredal, seguindo las órdens que li da Dios. En plegar en un castiello a on creyen que i ye lo Santo Gredal, lo troban ocupau por franceses que fan burla d'éls, y derrotaus, Arturo decide ninviar a los suyos caballers cadaguno por un camín diferent. Cadagún d'éls pasa diferents aventuras dica que tornan a trobar-se toz chuntos dabant d'un coniello asasino y, posteriorment, en o castiello d'Aarrgh, que troban ocupau por os mesmos franceses que ya conoixeban.

A cinta s'ambienta en l'anyo 932 en Anglaterra, y las suyas escenas se filmoron en o castiello de Skalter en Appin y atras localizacions en Argyll and Bute, en o castiello de Doune en Doune y atras localizacions en Stirling, en Killin en Perthshire y en localizacions en Highland y localizacions en Aberdeenshire en Escocia; en o castiello de Kidwelly en Kidwelly (Carmarthenshire) en Galas; en o castiello de Bodiam en Bodiam y en Ardingly (Sussex de l'Este), Londres y Twickenham (Gran Londres) y localizacions en Essex en Anglaterra; y en localizacions en Victoria en Australia.

Se tracta d'una cinta que ha recibiu bels premios y nominacions, encara que garra d'éls no fa parte d'os premios inematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1975.
• Cintas de 1975.

Vinclos externos

• Se veigan as imáchens de Commons sobre Monty Python and the Holy Grail .
• (en) Monty Python and the Holy Grail en Internet Movie Database.
• (en) Monty Python and the Holy Grail en TCM Movie Database.
• (en) Monty Python and the Holy Grail en Metacritic.
• (en) Monty Python and the Holy Grail en Rotten Tomatoes.

• Datos: Q25043
• Multimedia: Monty Python and the Holy Grail / Q25043