Lio Capriles
E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.| Lio Capriles | ||
|---|---|---|
| Imagen desea: Lio Capriles | ||
| Informashon básiko | ||
| Nòmber kompleto | Lionel Isaac Haim Capriles | |
| Alias | Paps | |
| Nasementu | 30 di ougùstùs 1933 | |
| Fayesimentu | 4 di yanüari 2017 Kòrsou | |
| Informashon profeshonal | ||
| Konosi pa | Maduro & Curiel’s Bank (MCB) | |
| Famia | ||
| Kasá | Judith Capriles | |
| Tata | Isaac Haim (Sha) Capriles | |
| Mama | Hilda Capriles-Pinedo | |
| Yu | Lionel (Chicu) Capriles; Michèle Russel-Capriles | |
| Otro informashon | ||
| Distinshon | Krus di Mérito Kòrsou | |
 | ||
Fachada di Maduro & Curiel's Bank N.V. na Punda. | ||
Lionel Isaac Haim (Lio) Capriles (☆ 30 di ougùstùs 1933 – † 4 di yanüari 2017 na Kòrsou), tambe kariñoso konosí komo “Paps”, tabata un bankero prominente i figura markante di Kòrsou. Pa añanan largu el a liderá e institushon finansiero mas grandi di Kòrsou i di Karibe Hulandes, Maduro & Curiel’s Bank (MCB).[1]
Biografia
[editá | editá fuente]Lionel Capriles a nase komo yu di Hilda Pinedo i Isaac (Shon Sha) Capriles (1900-1980), bankero i polítiko di Kòrsou. Su famia, tata, welo i bisawelo, tabata ligá ku banko MCB, ku a wòrdu fundá na 1916.[2]
Na 1954, na edat di 21 aña, el a cuminsa su karera na MCB.[3] El a subi paso pa paso te ora bira presidente-direktor di e banko komersial, i despues di su retiro na edat di 70 el a keda pa sinku aña mas komo presidente di e Hunta di Supervishon.
Su nòmber di kariño “Paps” a surgi pasobra durante evento públiko e tabata saluda hopi hende ku e palabranan “bon dia Paps”, un manera kordial pa saluda ora e no tabata korda tur nòmber.
Enbolbimentu síviko i sosial
[editá | editá fuente]Capriles tabata aktivamente enbolbí den hopi organisashon ekonómiko i sosial na Kòrsou i tabata konosí pa su integridat i su entrega na komunidat di Kòrsou. El a sirbi komo:
- Presidente di Kámara di Komersio di Kòrsou (1969-1971)[4]
- Presidente di Stichting Maatschappij en Politie
- Presidente di Reda Sosial / Sociaal Vangnet
- Presidente di directiva di Sonesta/Rif Resort
- Presidente di directiva di World Trade Center Kòrsou
- Presidente di Lions Club Kòrsou
- Consul di Hapon
- Miembro di Konseho Konsultativo di Antias Hulandes (RvA)
Na 2002, el a publiká e buki Mi a purba, ku ta kontené no menos cu 247 diskurso ku el a pronunsiá entre 1960 y 2001.[1] Na 2009, el a organisá un seminario importante tokante pobresa, pa promové dialogo i akshon den komunidat. Su lema personal tabata: Behold the turtle; he makes progress only when he sticks his neck out. — un refleho di su filosofia di bida: sin riska, no tin progreso.[5]
Bida personal i legado
[editá | editá fuente]Lionel “Paps” Capriles tabata kasá ku Judith i tabata tata tin dos yu: Lionel “Chicu” Capriles II, kende a sigui su pasonan i a bira presidente-direktor di MCB na 2004 i Michèle Russel-Capriles, polítiko i artista visual. El a fayesé 4 di yanüari 2017 na edat di 83 aña, despues di un malesa sigui pa un estadia den hospital pa algun tempu.
Su legado ta kontinua pa medio di su aportashon sosial i su influensia riba ekonomia di Kòrsou. Na 2012 MCB a inougurá 'Lio Capriles Banking Center' na Lanthùis Rooi Catootje, unda su busto di bròns ta wòrdu ekshibí.
Distinshon
[editá | editá fuente]
Hapon: Ofisial den Orden di Solo Saliente (1982)
Venezuela: Gran Cordón den Orden de Francisco de Miranda (1994)
Kòrsou: Krus di Mérito (2011)
Fuente, nota i/òf referensia
|