Labort

	Labort; Lapurdi
	Provincia d'Euskal Herria
Bandera	Escudo
Entidat; • País; • Estato	Provincia; País Basco francés; Francia
Capital	Bayona
Idioma oficial ; • Luenga propia ; • Atros idiomas	Francés ; Basco ; Occitán
Superficie; • Total	; 859 km²
Población; • Total (2021); • Densidat	; 238 339 hab. ; 200 hab/km²
	; Labort en Euskal Herria

Labort (Lapurdi en basco) ye una d'as siet provincias tradicionals que forman Euskal Herria. Perteneix a lo estau francés. Ye situada en o golfo de Bizcaya, y muga a lo sud con Guipuzcua y Navarra, a l'este con a Baixa Navarra, a l'ueste con a mar Cantabrica y a lo norte con o departamento d'as Landas.

Tien alto u baixo una población humana de 200.000 habitants, d'os cuals un 25% fabla o basco, en o dialecto labortano (en basco lapurtera) y, a l'este d'o territorio, lo dialecto baixo navarro (en basco behe nafarrera). A suya capital ye Bayona, y atras ciudaz importants son Biarritz, Hendaya y Donibane Lohizune (St.Jean-de-Luz en francés).

Municipios

Se veiga a lista de comunas de Labort.

Nombre

O nombre vien de Lapurdum, o nombre romano de Bayona. En os textos medievals navarros ye Labort, como por eixemplo en o texto de vasallache d'a villa d'Hurt baixo Tibalt I de Navarra:

Seppan todos aqueillos qui esta carta veran que nos, todos los vezinos de la villa de Hurt que es en Labort, de nuestro grado e de nostra libera volontat sozmetemos perpetuament a la comienda, al defendimiento e al francadge de Don Thibalt