Kap Verde

República de Cabo Verde Republik Kap Verde
{{{ARTIKEL-FLAGGE}}} {{{ARTIKEL-WAPPEN}}}
Wahlspruch: Paz, Trabalho, Pátria (por., „Friide, Arbet, Vaterland“)
Amtsspraach	Portugiesisch, Kapverdischs Kreolisch
Hauptstadt	Praia
Staatsoberhaupt	José Maria Neves
Regierigschef	Ulisses Correia e Silva
Flächi	4033 km²
Iiwohnerzahl	483.628
Bevölkerigsdichti	123,7 Iiwohner pro km²
Brutto­inlands­produkt pro Iiwohner	3651 US-$ (2019)
Währig	Kap-Verde-Escudo (CVE)
Unabhängigkeit	von Portugal am 5. Juli 1975
Nationalhimne	Cântico da Liberdade
Zitzone	UTC –1h
Kfz-Kennzeiche	CV
Internet-TLD	.cv
Vorwahl	+238. Sit em Juli 2004 wird bi alte Telifonnummere ä 2 voragschtellt. Us 00238 123456 wird 00238 2 123456.

Kap Verde [ˌkapˈvɛrdə] (port.: Cabo Verde [ˌkabuˈveɾdɨ]; geogr. Kapverden, Kapverdischi Insle) isch än afrikanische Inselschdaat mit nüün bewohnte Insle im Atlantik, 460 Kilometer vor der Weschtküschte vo Afrika. Der Archipel het ä Landflechi vo 4033 km². D Hauptschdadt vo der chliine Inselrepublik isch Praia mit guet 100.000 Iiwohner.

Geographii

Familie mit Chinder in Tarrafal uf dr Insle Santiago

D Republik Kap Verde lit im öschtlige Nordatlantik vor der Weschtküschte vo Afrika. D Inselgrubbe beschtoht us 15 Insle, vo wele nüün bewohnt si. Mä underscheidet zwüsche de Insle über em Wind (Barlavento) und under em Wind (Sotavento). D Inslel über em Wind si Santo Antão, São Vicente, São Nicolau, Sal, Boa Vista und die unbewohnte Insle Santa Luzia, Branco und Raso. Zur Sotavento-Grubbe ghöre Maio, Santiago, Fogo und Brava und die unbewohnti Inselgrubbe vo de Ilhéus do Rombo.

Die gröschte Schdedt si (Schtand 1. Januar 2005): Praia 113.364 Iiwohner, Mindelo 70.611 Iiwohner, Santa Maria 17.231 Iiwohner, Pedra Badejo 9488 Iiwohner und São Filipe 8189 Iiwohner.