Kalsa
 |
Quest articol chì l'è scrivud in lombard, con la Noeuva Ortografia Lombarda |
La Kalsa, ciamada anca Tribunai, a l'è vuna di quater quarter del center storegh de Palermo e l'è dent a la prima circoscrizzion. El nom el ven de l'arab al-Khālisa, o ben la pura, de derivazzion ismailita, menter el nom de Tribunai l'è ligad a la presenza del vegg palazz de l'Inquisizzion.
El quarter a l'è marcad a Nord del cors Vitori Emanuell, a Sud de via Lincoln, a Ovest de via Maqueda e a Est del Foro Italegh. In del quarter gh'è varie gese: quella de la Pietà, Santa Teresa, San Carlo di Milanes, la Martorana, San Franzesch, San Gioann di Napolitan, Santa Maria de l'Itria, San Catald, Santa Catarina e la basilega del Cangeler.
Monument civil de rilev inn el palazz Abatellis, el palazz Butera, el palazz Sambuca, el teater Garibaldi, el teater Santa Cecilia, el teater Bellini e la fontana Pretoria.
Bibliografia
[Modifega | modifica 'l sorgent]- Cesare De Seta, Maria Antonietta Spadaro e Sergio Troisi, Palermo città d'arte, Palermo, Ariete, 1998.
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Kalsa
Wikivoyage el gh'ha dent Informazzion turisteghe su Kalsa