Hamas
| Aktivo den sektor di | religious congregations and associations  |
|---|---|
| Fecha di fundashon òf kreashon | 10 desèmber 1987 |
| Faseta di | Islamism in the Gaza Strip |
| Nomber ofisial | حركة المقاومة الإسلامية |
| Nòmber nativo | حركة المقاومة الإسلامية |
| Affiliation | Axis of Resistance |
| Religion | Sunni Islam |
| Partisipante na | Gaza war, 2007–2008 Israel–Gaza conflict, Gaza War (2008–2009), Operation Breaking Dawn, 2006 Lebanon War |
| Konflikto | Battle of Gaza (2007), Fatah–Hamas conflict |
| Ramo militar | Izz ad-Din al-Qassam Brigades |
| Presidente | Khaled Mashal |
| Pais | Palestine |
| Miembro di | Muslim Brotherhood |
| Posishon polítiko | derechista, iskierdista |
| Lugá di formashon | Faha di Gaza |
| Propietario di | Al-Aqsa TV |
| Sede | Gaza |
| Foundational text | 1988 Hamas charter, A Document of General Principles and Policies |
| Pais di orígen | Palestina |
| Evento notabel | First Intifada |
| SRGB color hex triplet | 008000 |
| Wèpsait ofisial | http://hamasinfo.info, https://hamasinfo.info/ |
| Historia | history of Hamas |
| Koló ofisial | green |
| Member category | Category:Hamas members |
| WordLift URL | http://data.thenextweb.com/tnw/entity/hamas |
| Lista di tema | list of leaders of Hamas |
Hamas (árabe: حماس, un akrónimo árabe pa حركة المقاومة الاسلامية Ḥarakat al-Muqāwamah al-ʾIslāmiyyah, ku ta nifiká Movementu di Resistensia Islamita) ta un movementu polítiko i militante palestino, fundá na 1987 durante e Promé Intifada kontra okupashon israelí. Hamas tin su base prinsipal den Faha di Gaza, unda e ta e grupo ku ta na mando polítiko i administratívo desde 2007.
Historia i fundashon
[editá | editá fuente]Hamas a nase komo un derivashon di e organisashon Fraternidat Islamiko di Egipto, ku tabata warda un ròl spiritual i edukativo den Palestina. Su fundadó prinsipal tabata Shaykh Ahmad Yassin, hunto ku Abdel Aziz al-Rantisi i otro lidernan islamita. Na komienso, Hamas tabata kreá komo un alternativo pa e Organisashon pa Liberashon di Palestina (OLP), promoviendo resistensia armá kontra Israel i e establesementu di un estado islamita den Palestina históriko.
Struktura i ophetivo
[editá | editá fuente]Hamas tin dos divishon prinsipal:
- divishon polítiko, ku ta maneha asuntunan gubernamental, relashon internashonal i kampañanan polítiko;
- divishon militar, konosí komo e Brigadanan Izz ad-Din al-Qassam, ku ta okupá ku resistensia armá i defensa di Gaza.
E grupo a deklará ku su meta ta liberá e teritorio palestino ku Israel ta okupá i restablesé soberania palestino, ounke interpretashon di e meta final ta varia entre un estado palestino den frontera pre-1967 òf un Palestina uní.
Tomo di poder den Gaza
[editá | editá fuente]Den 2006, Hamas a gana e elekshon legislativo palestino. Na 2007, despues ku a surgi un konflikto ku e otro grupo polítiko, Fatah, e ta tuma kontrol total di Faha di Gaza. For di e momentu, Hamas ta e entidat ku ta goberna Gaza, mientras Fatah i e Autoridat Nashonal Palestino ta sigui operá den Cishordania (West Bank).
Relashonnan internashonal
[editá | editá fuente]Organisashon terorista
[editá | editá fuente]Varios pais, inkluso Israel, Merka, Union Oropeo, Canada i Reino Uni, ta konsiderá Hamas komo un organisashon terorista, prinsipalmente pa motibu di su atakenan kontra sivil i su rechaso di rekonosé Israel. Sinembargo, paisnan manera Qatar, Turkia i Iran a mantené relashonnan politíko òf finansiero ku Hamas.
Konflikto ku Israel
[editá | editá fuente]
For di 2007, Hamas i Israel tabata enbolbí den varios guera i operashon militar, ku a resulta den hopi daño humano i destrukshon material den Gaza. E eskalashon grandi mas resien a kuminsá dia 7 di òktober 2023, ora ku Hamas a lansa un atake sorpresivo kontra Israel, ku a inkluí invashon di milisia den teritorio israelí, lansamentu di raket i sekuestro di varios rehen. E atake a resulta den mas ku mil viktima na Israel i a kondusí na un ofensiva militar masivo di Israel kontra Gaza. For di e dia ei, e konflikto a keda den un estado di guera kontinuo yegando na mas di 30.000 morto palestino segun fuentenan internashonal, i na destrukshon grandi di e infrastruktura di Gaza.[1][2] Den e konflikto, Israel a imponé un blokeo total di Faha di Gaza[3], alegando motibu di seguridat, mientras e situashon humanitario na Gaza a bai deteriorando, ku miones di persona desplasá i ku falta di akseso na awa, medikamento i alimento. Hamas i organisashonnan humanitario ta konsiderá e blokeo komo un forma di kastigo kolektivo.
Na òktober 2025, despues di dos aña di konflikto i preshon internashonal, Hamas i Israel a logra un akuerdo di paro di fuego bou di mediashon di Qatar, Egipto i Merka. E akuerdo aki ta parti di un proseso mas amplio pa yega na un paro total di e hostilidatnan, liberashon di rehen i presonan, i un plan pa rekonstruí Gaza.
Referensia
|