Fanta Singhateh

Fanta, Lady Singhateh, CRG
Mohumagadi wa the Gambia
In office Tlhakole a robabongwe ngwaga wa 1966 – Moranang a le masome mabedi le bone ngwaga wa 1970
Pele Ga Gagwe	Kathleen Paul
Morago Ga Gagwe	Chilel Jawara
Ka Ga Ena
O tsetswe	Phukwi a le lesome le boraro ngwaga wa 1929 Janjanbureh
O Tlhokafetse	Motsheganong a le lesome le bobedi ngwaga wa 2023
Mo/Bakapelo	Farimang Singhateh|

Fanta, Lady Singhaten, CRG (o o tshotsweng ka lesome le boraro ngwaga wa 1929, a tlhokafala ka Motsheganong a le lesome le bobedi ngwaga wa 2023), o o itsegeng gape ka Fatou Basse Sagnia, kgotsa Sagniang e ne e le mohumagadi wa The Gambia go tswa ka 1966 go tsena 1970.

Ka Botshelo jwa gagwe

Sungateh o tsholetswe kwa Georgetwon, kwa e leng Janjanbureh, The Gambia, ka Phukwi a le lesome le boraro ngwaga wa 1929. Ka 1949, o ne a nyalwa ke Sir Farimang Singhateh, o e neng e le ngaka ka nako eo, e le molaodi wa mo isagong wa The Gambia. Ba ne ba na le bana ba le barataro mmogo. Ene le monna wa gagwe, ba botlhe e leng Ahmadiyya, ba ne ba kwa Hajj, mo loetong lwa kwa Mecca ka 1964.

Polotiki

Singhateh le monna wa gagwe e ne e le maloko a People's Progressive Party, e e tlhamilweng ka 1959. Jaaka bontlha jwa tiro ya bone mo phathing, ba ne ba bolotsa letsholo la go fedisa bokolone.

Singhateh ka bo ene o ne a itsege e le motho o o tshwereng ka thata mo phathing. Pele ga a nyalwa, Singhateh e ne e le molweladitshwanelo ebile e le mongwe wa batho bantlha go amogela diaparo tse di kileng tsa aparwa go tswa kwa Belgium go anamisale dikgaolo tsa Bakoteh, Sukuta le magae.

Singhateh o berekile e le mohumagadi wa the Gambia go tswa ka 1966 go tsena 1970, fa monna wa gagwe e le molaodi wa the Gambia. E ne e le batho ba Gambia ba ntlha go nna mo maemong ao, monna wa gagwe e le molaodimogolo, ene e le mohumagadi. Mo maemong a gagwe, o ne a itebagantse le go tshela sentle a rotloetsa ditiro tsa bopelotlhomogi go ema basadi nokeng. O ne a buelela tlhabololo ya ngwao, matshelo a batho le go tshedisana.

Fa le mo dingwageng di le masome a robabongwe, o ne a bula lefelo la thekiso ya borotho, le le rekisang ka ditlhwatlhwa tse di kwa tlase, se se letla mongwe le mongwe go reka. O tlhokafetse ka Motsheganong a le lesome le bobedi ngwaga wa 2023, a le dingwaga di le masome a robabongwe le boraro.

Dietsele

Ka 2012, Singhateh o ne a nna molaodi mo tatelong ya Gambia. Fa monna wa gagwe a ne a fiwa tlotla ya knighthood ke Queen Elizabeth wa bobedi, Singhaten o ne a amogela mameo a Lady, a itsege mo go ba le bantsi e le Lady Fanta.