Dak

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Dak

Un dak por lo general ta e superficie riba un edificio of parti di dje (manera un carport). E ta consisti di un of mas capa schuin of cu inclinacion, of un superficie horizontal, esta un dak plat.

Un dak ta sirbi pa duna proteccion na e edificio contra e elementonan di tempo, manera awaseru, sneeuw, biento y extremonan den temperatura. P’esey e ta wordo yama tambe e “di cinco fachada”. E aparencia di e dak ta determina parcialmente e aparencia di e edificio, mientras e forma y construccion ta depende di e condicionnan di clima na e sitio, e materialnan di construccion disponibel y e estilo arkitectonico. Den mayoria pais, e ta suheto tambe na legislacion local of nacional.

Tipo di dak

Basicamente tin dos tipo di dak: dak cu inclinacion of dak plat. Den e daknan cu inclinacion tin varios forma, cu tambe por ta wordo combina. Algun tipo di dak for di simpel te compleho:

nomber	imagen	descripcion
Dak plat		un dak horizontal; inclinacion max. 10° grado
Dak di mesa		un dak schuin; inclinacion di un solo superficie
Dak di siya		dak cu dos capa cu ta topa otro den e cabayete (tipo di dak mas comun)
Dak di siya asimetrico		dak di siya asimetico unda un banda ta mas largo cu e otro
Dak di mita schouder		dak di siya cu dos superficie corta schuin na e bandanan cortico
Dak tipo V		dak den forma V, unda e superficienan ta topa otro memey riba un punta abou.
Dak di schouder		dak cu dos superficie triangular na banda cortico y dos superficie forma trapezium na banda largo
Dak di punta		dak cu cuater of mas superficie triangular cu ta uni cu otro den un punta.
Dak tipo cono		dak den forma di cono
Dak tipo koepel		dak den forma di un koepel
Dak tipo T		dak unda un capa ta uni na mesun haltura cu un otro capa di dak

Fuente, nota i/òf referensia