Conselh Generau d'Aran

Conselh Generau d'Aran
	; Sedença deth Conselh Generau d'Aran, a Vielha.
Donades
Tipe	sistèma institucionau autogovernamentau
Lengua oficiau	occitan aranés (usatge preferenciau); catalan; espanhòu
Administracion
Sindic	Maria Vergés Pérez despuish 29 d'octobre de 2020
Istòria
Fondacion	22 de junhsèga de 1313 (instituït) 1991(restablit)
Autras informacions
Sedença	Casa deth Senhor d'Arròs, Vielha e Mijaran
Site web	http://conselharan.org/

Eth Conselh Generau d'Aran ei era principau institucion de govèrn dera Val d'Aran. Ac formen eth Sindic,^[2] eth Plen e era Comission d’Auditors de Compdes. Constituís era estructura administrativa pròpia d'Aran restablida pera Lei 16/1990, de 13 de junhsèga, sus eth regim especiau dera Val d'Aran.

Competéncies

Eth Conselh Generau a competéncia enes matèries que determinen era lei reguladora deth regim especiau e era rèsta de leis aprovades peth Parlament de Catalonha e es facultats qu’era lei li atribuís.

Eth Conselh Generau a competéncia plena en tot aquerò que hè referencia ath foment e ar ensenhament der aranés e dera sua cultura cossent damb es normes de caractèr generau vigentes en tota Catalonha en camp dera politica lingüistica e educativa.

Tanben a competéncies sus es matèries que seguissen:

Sanitat.
Servicis sociaus.
Torisme.
Proteccion, mantenença e administracion deth sòn auviatge istoric e artistic.
Proteccion dera natura, montanha e vies forestaus.
Agricultura, bestiar, pesca, caça e profitaments forestaus.
Sauvaments e escandiment de huecs.
Joenessa.
Léser e temps liure.
Espòrts.
Miei ambient.
Arremassatge e tractament de residus solids.
Salubritat publica.
Carretères locaus.
Transpòrt interior de viatgèrs.
Artesania.

Elegits

Aran se dividís en sies circonscripcions, corresponentes as sies terçons istorics formats per Pujòlo, Arties e Garòs, Castièro, Marcatosa, Lairissa e Quate Lòcs.

Eth Conselh Generau ei integrat per tretze membres, despartits dera manèra que seguís^[3]:

Arties e Garòs: 2 membres. Luis Carlos Medina Modroñ (CDA), Jose Antonio Buna Vilanova (PRAG).
Castièro: 4 membres. Carlos Barrera Sánchez (CDA), Rufino Martínez Cau (UA), Anna Diaz Morello (CDA), Juan Antonio Serrano Iglesas (UA).
Lairissa: 1 membre. Francisco Medan Juanmartí (CDA).
Marcatosa: 1 membre. Jose Enrique Arró Cuny (CDA).
Pujòlo: 2 membres. Marcos Viló Domínguez (CDA), Francisco Bruna Capel (UA).
Quate Lòcs: 3 membres. Francisco Boya Alós (UA), Eduardo Valdecantos Dedieu (CDA), Amador Marqués Atés (UA).

Eth Plen ei era amassada des conselhèrs generaus.

Resultats des eleccions ath Conselh Generau

Majoritat en gras.

Eleccions de 2019

Enas eleccions de 2019, Unitat d'Aran guanhe era majoritat absoluda.

Partit	Vòtes	Percentatge	Conselhèrs
Unitat d'Aran	2 527	49,72 %	9
Convergéncia Democratica Aranesa	1 523	29,97 %	4
Aran Amassa	552	10,86 %	0
Unides Podem	164	3,23 %	0
Ciudadanos	116	2,28 %	0
Partit Renovador d'Arties-Garòs	97	1,91 %	0

Sindic elejut lo 18 de junh: Francés Boya.

Eleccions de 2015

Enas eleccions de 2015, sola CDA presente candidats en totes es terçons. UA es presente en 5 terçons, e dèishe sens candidat Arties e Garòs (feu deth PRAG). Lo PP ei present en cinc terçons (manca Pujòlo). Corròp ei present sonque en es Quate Lòcs.

Partit	Vòtes	Percentatge	Conselhèrs
CDA	1 972	41,06%	7
Corròp	177	3,69 %	0
PP	178	3,71 %	0
PRAG	120	2,71 %	1
UA	2 193	45,66 %	5

Sindic elejut lo 18 de junh: Carles Barrera. Eth Conselh Generau ei integrat per tretze membres, despartits dera manèra que seguís^[4]:

Arties e Garòs: 2 membres. Luis Carlos Medina Modroñ (CDA), Jose Antonio Buna Vilanova (PRAG).
Castièro: 4 membres. Carlos Barrera Sánchez (CDA), Rufino Martínez Cau (UA), Anna Diaz Morello (CDA), Juan Antonio Serrano Iglesas (UA).
Lairissa: 1 membre. Francisco Medan Juanmartí (CDA).
Marcatosa: 1 membre. Jose Enrique Arró Cuny (CDA).
Pujòlo: 2 membres. Marcos Viló Domínguez (CDA), Francisco Bruna Capel (UA).
Quate Lòcs: 3 membres. Francisco Boya Alós (UA), Eduardo Valdecantos Dedieu (CDA), Amador Marqués Atés (UA).

Eleccions de 2011

Partit	Vòtes	Percentatge	Conselhèrs
Convergéncia Democratica Aranesa	2 216	46,34%	7
Unitat d'Aran	1 965	41,09 %	5
Partit Renovador d'Arties-Garòs	129	2,70 %	1
Partit Popular	308	6,44 %	0

Sindic elejut lo 18 de junh: Carles Barrera.

Eleccions de 2007

Partit	Vòtes	Percentatge	Conselhèrs
Unitat d'Aran	2 198	46,13 %	6
Convergéncia Democratica Aranesa	2 030	42,60%	6
Partit Renovador d'Arties-Garòs	180	3,78 %	1
Partit Popular	225	4,72 %	0

Sindic elejut lo 18 de junh: Francés Boya.

Eleccions de 2003

Partit	Vòtes	Percentatge	Conselhèrs
Convergéncia Democratica Aranesa	2 183	45,06%	7
Unitat d'Aran	1 895	39,14 %	5
Partit Renovador d'Arties-Garòs	155	3,20 %	1
Partit Popular	192	3,97%	0

Ligams extèrnes

Pagina Oficiau

↑ «Ley 35/2010, de 1 de octubre, del occitano, aranés en Aran. «BOE», núm. 279, de 18 de noviembre de 2010» p. 6. www.boe.es. «Art. 2, 3(a): El aranés, como lengua propia de Arán, es: la lengua de uso preferente de todas las instituciones de Arán, especialmente del Conselh Generau d’Aran, la Administración local y las entidades que dependen de ellos, los medios de comunicación públicos, la enseñanza y la toponimia.»
↑ Brandtjen, Roland (2021). The valley and the rock: europeanized separatism and Iberian micro-nations: secession to gain full EU-Membership?: an analysis of Gibraltar and the Val d'Aran. Amborg: Verlag Dr. Kovač (Schriftenreihe Schriften zur Europapolitik). ISBN 978-3-339-12272-8.
↑ Compausicion deth Conselh elejut en 2011
↑ Compausicion deth Conselh elejut en 2011

[1] «Ley 35/2010, de 1 de octubre, del occitano, aranés en Aran. «BOE», núm. 279, de 18 de noviembre de 2010» p. 6. www.boe.es. «Art. 2, 3(a): El aranés, como lengua propia de Arán, es: la lengua de uso preferente de todas las instituciones de Arán, especialmente del Conselh Generau d’Aran, la Administración local y las entidades que dependen de ellos, los medios de comunicación públicos, la enseñanza y la toponimia.»

[2] Brandtjen, Roland (2021). The valley and the rock: europeanized separatism and Iberian micro-nations: secession to gain full EU-Membership?: an analysis of Gibraltar and the Val d'Aran. Amborg: Verlag Dr. Kovač (Schriftenreihe Schriften zur Europapolitik). ISBN 978-3-339-12272-8.

[3] Compausicion deth Conselh elejut en 2011

[4] Compausicion deth Conselh elejut en 2011

[1]

[2]

[3]

[4]