Computator

Computator (-oris, m.) est homo qui computat (vide infra). Machina autem computans dicitur computatrum.

Computator^[1]^[2]^[3] (fem. computatrix), olim, quum computatra electronica abessent, erat homo qui opera dabat computationes mathematicas efficiendo.

Alanus Turing calculatorem descripsit “hominem cui quaedam fixae regulae sequendae sunt et cui nulla auctoritas est ab illis deviandi.”^[4]

In aevo moderno, greges hominum (a saeculo undevicesimo saepe mulierum) adhibebantur ad longum et saepe taediosum munus calculos efficiendi. Labor solebat distribui ut fieri posset simul et pariliter, et saepe eadem computatio a pluribus gregibus iterum reficiebatur ad mendas vitandas.

Exempla notissima computatorum fuerunt Ioannes Eberstark^(de), Carolus Fridericus Gauss, Gulielmus Klein^(en), Ioannes de Neumann.

Etymologia

Verbum computatoris est aliquantum antiquum.^[1] Saeculo undecimo Bernelinus^(d) id dixit a putando duci.^[5]^{[citatio desiderata]} Antique, debitorum aes alienum in ligno imputabatur, quare ubi debitorum summam perspiciere necesse esset, imputata summabantur, id est computabantur. Improprie sunt qui computatrum etiam computatoris nomine appellant, quasi machinam ab homine non dignoscant.

In cultura populari

In fabula generis fictionis scientificae Dune, de computatorum ordine narratur, qui Mentat appellantur. Nam postquam machinarum defectio finem habuerat et illae interdictae erant, duo cives a Galaxiae sapientibus mandati sunt ut computatrorum officium supplerent.

Notae

1 2 Cf. Sen., Ep., 87, 5: “Quum ad patrimonium ventum est, diligentissimi computatores sic rationem ponitis singulorum quibus aut pecuniam credituri estis aut beneficia …”
↑ Cf. “computator” apud C. T. Lewis et C. Short (1879). A Latin Dictionary. Oxoniae: Oxford University Press.
↑ Cf. “computator” apud F. Gaffiot (1934). Dictionnaire illustré latin-français. Hachette. p. 367.
↑ Cf. Turing, Alanus Mathison (1950). Computing machinery and intelligence. Mind. 59 (236). pp. 433–460. doi:10.1093/mind/LIX.236.433: “The human computer is supposed to be following fixed rules; he has no authority to deviate from them in any detail.”
↑ Verba memorata a Iacobo Paulo Migne^(fr) in libro Patrologiae cursus completus, p. ??.

Nexus interni

Nexus externi

Vicimedia Communia plura habent quae ad computatores computratricesve spectant.

Certamen Mundiale Computatorum, Anglice
De Prodigio Computatorum, a Viktor Pekelis, Anglice
De Gulielmo Klein, Anglice
Processus computationis humanae machinariaeque, Anglice
Ars computatoria, Anglice
Index Computatorum Praeclarorum, Anglice

[seneca-ep-87-5-1] 1 2 Cf. Sen., Ep., 87, 5: “Quum ad patrimonium ventum est, diligentissimi computatores sic rationem ponitis singulorum quibus aut pecuniam credituri estis aut beneficia …”

[lewis-short-computator-2] Cf. “computator” apud C. T. Lewis et C. Short (1879). A Latin Dictionary. Oxoniae: Oxford University Press.

[gaffiot-computator-367-3] Cf. “computator” apud F. Gaffiot (1934). Dictionnaire illustré latin-français. Hachette. p. 367.

[4] Cf. Turing, Alanus Mathison (1950). Computing machinery and intelligence. Mind. 59 (236). pp. 433–460. doi:10.1093/mind/LIX.236.433: “The human computer is supposed to be following fixed rules; he has no authority to deviate from them in any detail.”

[5] Verba memorata a Iacobo Paulo Migne^(fr) in libro Patrologiae cursus completus, p. ??.

[1]

[2]

[3]

[4]

[5]