Cobra Triangle
| Ժանր | ավտոմոբիլային սիմուլյատոր, vehicular combat game | |
|---|---|---|
| Մշակող | Rare (ընկերություն) | |
| Հրատարակիչ | Նինթենդո | |
| Հարթակ | Nintendo Entertainment System | |
| Թողարկման ամսաթիվ | Հուլիս 1989 | |
| Ծագման երկիր | Միացյալ Թագավորություն | |
| Կոմպոզիտոր | David Wise | |
| Բաշխիչ ընկերություն | Նինթենդո | |
| Game mode | միակառավարելի խաղ | |
| Նախագծող | Rare (ընկերություն) | |
| Software engine | R.C. Pro-Am | |
| IMDb identifier | tt5796416 | |
Cobra Triangle, գոյատևման մրցավազքի տեսախաղ, մշակել է Rare ընկերությունը և թողարկել է Nintendo-ն 1989 թվականի հուլիսին՝ Nintendo Entertainment System (NES) տեսախաղերի համար[1]:
Խաղի էությունն այն է, որ խաղացողը 25 մակարդակ անցնելով՝ կառավարում է զենքերով հագեցած նավակը։ Նպատակներն են՝ հաղթել մրցավազքերում, փրկել լողորդներին և վնասազերծել ռումբերը: Խաղը ներառում է նաև բոնուսներ։ Խաղը ցուցադրվում է իզոմետրիկ գրաֆիկայով՝ էկրանի ավտոմատ ոլորմամբ: Խաղի դիզայնը կատարել են Ստեմփեր եղբայրները, իսկ սաունդթրեքը գրել է կոմպոզիտոր Դեյվիդ Ուայզը։
Բրիտանական «Computer and Video Games» ամսագիրը խաղին դրական գնահատական է տվել՝ գովաբանելով խաղի գրաֆիկան։ Հետագայում քննադատները գովաբանել են խաղի բազմազանության մակարդակը և նկատել գրաֆիկական նմանություններ Rare-ի նախորդ աշխատանքների հետ, ինչպիսին է «R.C. Pro-Am»-ը: «IGN»-ի «Cobra Triangle»-ը դասել է «NES»-ի 66-րդ լավագույն խաղերի շարքում: «IGN»-ը նաև գրել է, որ սա խաղային համակարգերի երրորդ սերնդի լավագույն խաղերից մեկն է։ «Cobra Triangle»-ը ներառվել է «Rare Replay» հետահայաց հավաքածուում[2]։
Ընթացք
[խմբագրել | խմբագրել կոդը]Cobra Triangle խաղ է, որը համատեղում է գոյատևման մրցավազքը մարտական տարրերի հետ[3]։ Խաղում օգտագործում է իզոմետրիկ հեռապատկեր՝ անկյունագծային ոլորումով, երբ նավը շարժվում է: Cobra Triangle-ում խաղացողն ունի զենքերով նավակ, ինչպես նաև այդտեղ կան թշնամու նավակներ։ Խաղացողի խնդիրն է հաղթել մրցավազքերում, փրկել լողորդներին և վնասազերծել ռումբերը[4]։
Խաղը բաղկացած է 7 կրկնվող խաղային փուլերից: Առաջին փուլը ներառում է մրցավազք մինչև ավարտը: Խաղացողի խնդիրն է կրակել թշնամու նավերի վրա և հասնել խաղի ավարտին՝ միաժամանակ փախչելով շնաձկներից և այլ ծովային խոչընդոտներից։ Այս ռեժիմում ժամանակը չի հաշվարկվում։ Այս տեսակը բնութագրվում է գետի տարբեր ճյուղավորումներով, որոնցից մեկի ընտրությունը կարող է և առավելություն տալ, և հետ մղել։ Երկրորդ փուլը ներառում է անհրաժեշտ ռեսուրսների հավաքագրումը։ Երրորդ փուլը ներառում է ռումբերի հավաքագրումը և վնասազերծումը։ Չորրորդ փուլը խաղացողը պետք է կռվի շեֆի դեմ, որը կարող է լինել շնաձուկ, ծովախեցգետին կամ այլ ծովային կենդանի, որը օժտված է ինչ-որ հատուկ ունակությամբ: Հինգերորդ փուլում պետք է մարդկանց փրկել։ Վեցերորդը նման է առաջինին, սակայն այն տարբերվում է նրանով, որ թշնամու նավակների փոխարեն խաղացողը ջրի վրա խոչընդոտները պետք է հաղթահարի։ Յոթերորդում խաղացողը օգտագործելով բատուտը ցատկում է անցքերի վրայով[4]։ Մրցավազքի ընթացքում գետի վրա կարող են առաջանալ տարբեր բնական աղետներ՝ փոթորիկներ կամ ուժեղ ալիքներ։ Դրա վրա կարող են նաև լինել խոչընդոտներ ափամերձ աշտարակների տեսքով։ Նավակը կարող է թռչել թեքահարթակների վրայով և նաև բարձրացնել իր զենքերի արդյունավետությունն ու արագությունը՝ օգտագործելով «Power-up»-ը[5]։ Խաղի սկզբում խաղացողի նավակն ավելի մեծ է: Դա արվում է նրա համար, որ ի սկզբանե խաղացողը կարողանա սովորել նավը կառավարել։ Խաղի ընթացքում դուք պետք է վնասազերծեք չորս ռումբ։ Մեկ այլ փուլում խաղացողի խնդիրն է ոչնչացնել չարագործներին, նախքան նրանք կնավարկեն ափ։ Եթե մոտակայքում լողորդ կա, խաղացողը պետք է փրկի նրան՝ նավի վրա բարձրացնելով։ Եթե սա ձախողվի, խաղացողը կկորցնի մեկ կյանք[4]։
Թողարկում և ակնարկներ
[խմբագրել | խմբագրել կոդը]Cobra Triangle արժանացել է քննադատների հավանությանը։ Ջազ Ռիգնալը «Computer and Video s»-ին դրական գնահատական տվեց՝ գովաբանելով դրա «գրավիչ» գրաֆիկան, հավասարակշռված խաղախաղը և «կախվածություն առաջացնող» վերախաղելու հնարավորությունը[4]։ «The s Machine»-ի Մարկ Քասվելն իր գրախոսության մեջ նշել է, որ հիասթափված է ջրվեժների վրայով պարբերաբար ցատկելուց։ All-ի համար արված հետահայաց ակնարկում Սքայլեր Միլլերը մակարդակների բազմազանությունը նշել է որպես խաղի հիմնական ուժեղ կողմերից մեկը[3]։
Գրախոսները նշել են նաև «Cobra Triangle»-ի գրաֆիկական նմանությունը «R. C. Pro-Am»-ի հետ[6], մասնավորապես՝ տեսախցիկի անկյունը։ Բրեթ Ալան Վայսը (All) խաղը համեմատել է «River Raid»-ի հետ, որը թողարկվել է 1982 թվականին «Atari 2600»-ի համար։ Համեմատության համար, երկու խաղերի խաղախաղը հիմնված է գետի ափերին կրակելու և շարժվելու վրա։ Ընդ որում, «Cobra Triangle»-ում ներկայացվել է իզոմետրիկ տեսախցիկ, քանի որ նրա խաղախաղն ավելի շատ կենտրոնացած է մրցարշավների, քան մարտերի վրա։ Cobra Triangle-ը հայտնվել է «IGN News Feed»-ի լավագույն «NES» խաղերի ցանկում՝ զբաղեցնելով 66-րդ տեղը[6]։ «GamesRadar» կայքում նշվել է, որ «Cobra Triangle»-ը «NES» դարաշրջանի օրինակելի խաղ է՝ իզոմետրիկ կրակոցներով, բարելավումներով և բազմազան ռեժիմներով[5]։
Ծանոթագրություններ
[խմբագրել | խմբագրել կոդը]- ↑ Brett Alan Weiss. «Cobra Triangle – Extra Credits». All (անգլերեն). All Media Network. Արխիվացված է օրիգինալից 2014 թ․ նոյեմբերի 14-ին. Վերցված է 2018 թ․ մարտի 14-ին.
- ↑ Michael McWhertor (2015 թ․ հունիսի 15). «Rare Replay for Xbox One includes 30 Rare s for $30 (update)». Polygon (անգլերեն). Vox Media. Արխիվացված է օրիգինալից 2015 թ․ հունիսի 16-ին. Վերցված է 2018 թ․ մարտի 14-ին.
- ↑ 3,0 3,1 Skyler Miller. «Cobra Triangle – Review». All (անգլերեն). All Media Network. Արխիվացված է օրիգինալից 2014 թ․ նոյեմբերի 14-ին. Վերցված է 2018 թ․ մարտի 14-ին.
- ↑ 4,0 4,1 4,2 4,3 Jaz Rignall Cobra Triangle(անգլ.) // Computer and Video s : magazine. — 1990. — № 99. — С. 89. — ISSN 0261-3697.
- ↑ 5,0 5,1 «Best NES s of all time». sRadar (անգլերեն). Future plc|Future. էջ 33. Արխիվացված է օրիգինալից 2015 թ․ օգոստոսի 3-ին. Վերցված է 2018 թ․ մարտի 14-ին.
- ↑ 6,0 6,1 Bozon, Mark. «66. Cobra Triangle – Top 100 NES s». IGN (անգլերեն). Ziff Davis. Արխիվացված է օրիգինալից 2015 թ․ օգոստոսի 3-ին. Վերցված է 2018 թ․ մարտի 14-ին.