Angels and Demons
 |
Haec commentatio vicificanda est ut rationibus qualitatis propositis obtemperet. Quapropter rogamus ut corrigas, praecipue introductionem, formam, nexusque extra et intra Vicipaediam. |
Angels and Demons (titulus Anglicus, scilicet Latine "Angeli et Daemones") est mythistoria a Daniele Brown, auctore Americano, anno 2000 edita et maxime divendita, de itinere Roberti Langdon, viri docti, atque investigatione eius ut arcana societatis secretae Illuminatorum reperiat.
Circa Romam fabula accidit, Civitate Vaticana in magnum periculum ab Illuminatis coniecta, nam Illuminati inter conclave quattuor cardinales necare et antimateria Civitatem Vaticanam diruere volunt. Multae opiniones de scientia et religione dicuntur.
Ex hac fabula anno 2009 pellicula (vide Angels and Demons) a Ronaldo Howard cum praeclaris histrionibus Thoma Hanks ut Roberto Langdon, Ayelet Zurer ut Vittoria Vetra ac Ewan McGregor ut camerario Patricio McKenna facta est.
Argumentum libri
[recensere | fontem recensere]Narratio in laboratorio CERN incepta homicidio et furto, minata detonatione vasis antimateriae furto sublati intra viginti quattuor horas recipiendi, continuatur. Physicus occisus Leonardus Vetra, cui verbum "Illuminati" ambigrammate impressum est, Robertum Langdon, peritum Illuminatorum, consulit. Langdon et filia Vetrae Vaticanum proficiscuntur ut vas inveniant et detonationem periculosam praevenant.
Nuntiatur quattuor cardinales periclitari detonatione bombae. Langdon et Vittoria, Romae signa historica interpretantes, vestigium sequuntur, sed cardinalibus servandis tempore carent. Vittoria ab Hassassino, qui nomine Iani pro Illuminatis agit, capitur,? sed tandem evadit et Hassassinus interficitur.
Camerarius? Ventresca ab Illuminatis periclitari videtur. Ventresca signatus est et Kohler, rector CERN, eius rei conscius esse videtur. Ventresca in Platea Sancti Petri coram multitudine congregata se a Deo monitum esse declarat et vas antimateriae helicoptero? in locum tutum transferri facit. Ex helicoptero? exsiliens heroem agit et detonatio vasis innoxia evenit.
In cassetta? video? apparet Ventrescam se ipsum signo Illuminatorum impressisse et seriem eventuum ordinavisse. Haec series eventuum etiam homicidium praecedentis Papae, cuius Ventresca magister fuit, continet. Cardinalis Mortati Ventrescam filium Papae esse declarat.[1]