林德旺

林德旺係台灣激進親中派人物，曾經係中國國民黨中央委員，2007年開始去上海、雲南等地經商，並成立多個兩岸交流團體。

喺2016年立法委員選舉，林因無法獲國民黨提名而退黨，以無黨籍身份參選臺南市第一選舉區立委，結果未當選。之後佢被革除黨籍。

2017年，佢成立咗台灣人民共產黨，擔任黨主席，並以宗教交流為名，或者以台商、黨主席身分多次率團去中國接受招待同參訪，也因此同國台辦政黨局副處長胡春光等官員熟識。政黨本來叫做「台灣中國共產黨」，但依《兩岸人民關係條例》等相關法令，所以改為「台灣人民共產黨」。

佢喺台灣人民共產黨入面長達10多年時間，接受中國國台辦資助共約90萬餘元。

2018年間，佢參選台南市議員，藉此為中方監控台灣選舉動態。

2019年，佢被揭發涉嫌招待70多人到中國江西省旅遊遊，呼籲支持台南第1選區某名立委候選人同某一個政黨而被捕，之後佢否認指控，話事件係政府對佢嘅逼害。

2021年2月，佢同張孟崇因為將五星旗口罩戴喺烏山頭水庫八田與一銅像上，被警方依違反《社會秩序維護法》送辦。

2022年5月間，林德旺受中國福建省台辦資助中國製武漢肺炎快篩試劑，並由男子余聲洪違法進口入台，共約4700劑，作為賄選用，但尚未發放，便遭檢調查獲。

佢自2022年7月起，擔任中國官媒「政報」台灣中心總顧問，藉此喺台灣進行滲透、宣傳等活動，又指示鄭建炘參選台北市議員，以中方資助嘅3萬元作為選舉經費，並以每人500元走路工工資，動員民眾陳抗、宣傳。

政治立場

佢係台灣親中派嘅一員。

佢多次公開稱讚中共反貪成效，又話中共派戰機侵台係為保護台灣，為求國家統一，又話中國是最自由民主嘅國家。

2022年佢喺佩洛西訪問臺灣期間，佢以每人新台幣500元代價僱用民眾，發起20幾場抗議活動。

2024年初，林德旺更升起五星紅旗並唱國歌，引發爭議。

選舉經歷

2018年第三屆臺南市議員第一選舉區（新營區、柳營區、鹽水區、後壁區、白河區、東山區）

• 應選出名額：6席 ，含婦女保障名額：1席
• 選舉人數：164,551

號次	候選人	性別	政黨	得票數	得票率	當選標記
1	蔡育輝	男	中國國民黨	21,845	20.83%
2	張世賢	男	中國國民黨	17,131	16.33%
3	蔡四結	男	無黨籍	699	0.67%
4	賴惠員	女	民主進步黨	11,821	11.27%
5	林德旺	男	台灣人民共產黨	1,002	0.96%
6	沈家鳳	女	民主進步黨	12,542	11.96%
7	劉米山	男	民主進步黨	12,623	12.04%
8	李宗翰	男	民主進步黨	13,006	12.40%
9	趙昆原	男	無黨籍	12,489	11.91%
10	李宗智	男	無黨籍	1,725	1.64%