Філіпіны

Рэспубліка Філіпіны
філ.: Republika ng Pilipinas англ.: Republic of the Philippines
Сцяг Герб
Дэвіз: «Maka-Diyos, Maka-Tao, Makakalikasan at Makabansa» «За Бога, народ, прыроду і краіну»
Гімн: «Lupang Hinirang»
Дата незалежнасці	4 ліпеня 1946 (ад ЗША)
Афіцыйныя мовы	Філіпінская (a), англійская
Сталіца	Маніла
Найбуйнейшыя гарады	Кесан-Сіці
Форма кіравання	Прэзідэнцкая рэспубліка
Прэзідэнт Віцэ-прэзідэнт Старшыня Сената Спікер Палаты Прадстаўнікоў	Радрыга Роа Дутэртэ Лені Рабрэда Франклін Дрылан Фелісьяна Бельмонтэ-мал.
Тэрыторыя
• Агулам	299,764 км² (73-я ў свеце)
• % воднай паверхні	0,61
Насельніцтва Філіпін
• Ацэнка (2015)	102,187,200 чал. (12-я)
• Перапіс (2010)	92,337,852 чал.
• Шчыльнасць	340,62 чал./км² (43-е месца)
ВУП (ППЗ)
• разам (2015)	751,770 млрд дол.
• На душу насельніцтва	7,412 дол.
ВУП (намінал)
• разам (2015)	330,259 дол.
• На душу насельніцтва	3,256 дол.
ІРЧП (2013)	▲0,660 (сярэдні; 117-е месца)
Назвы жыхароў	Філіпінцы
Валюта	Філіпінскі песа (₱, PHP)
Інтэрнэт-дамен	.ph
Код ISO	PH
Код МАК	PHI
Тэлефонны код	+63
Часавы пояс	+8
Аўтамабільны рух	справа[d]
a. Стандартызаваны варыянт тагальскай мовы
Медыяфайлы на Вікісховішчы

Філіпіны (філ.: Pilipinas [ˌpɪlɪˈpinɐs], англ.: the Philippines [ˈfɪlɨpiːnz]) – астраўная краіна ў Паўднёва-Усходняй Азіі, у Ціхім акіяне паміж Інданезіяй і Тайванем.

Гісторыя

Асноўны артыкул: Гісторыя Філіпін

Філіпіны насялялі плямёны аўстралоіднай расы, у II-м тысячагоддзі да н.э. іх адцяснілі ў горныя раёны паўднёвамангалоідныя народы. У 1521 годзе Філіпіны наведала іспанская экспедыцыя Фернана Магелана, які загінуў у сутычцы з жыхарамі вострава Мактан. У 1565 годзе з прыбыцця флоту М.Л. Легаспі пачалося іспанскае заваяванне Філіпін. Да канца XVI стагоддзя іспанцы падпарадкавалі большую частку краіны, акрамя ісламізаванага ў XIV – XV стагодздзях насельніцтва, якое захавала напоўдні незалежнасць да XIX стагоддзя. У хуткім часе большасць філіпінцаў было хрысціянізавана.

На Філіпінах усталявалася сістэма кіравання на ўзор іспанскіх калоній у Амерыцы. З XVII стагоддзя іспанцы ізалявалі краіну ад знешняга свету. Выхад з ізаляцыі ў пачатку XIX стагоддзя спрыяў уздыму гаспадаркі Філіпін і мясцоваму культурна-асветніцкаму руху (галоўны яго прадстаўнік Х. Рысаль). 1892 г. заснавана тайная патрыятычная арганізацыя Каціпунан (кіраўнік А. Баніфасіа), якая ўзначаліла нацыянальнае паўстанне 1896—1897. У час Іспана-амерыканскай вайны 1898 г. на Філіпіны высадзіліся войскі ЗША. 12 чэрвеня 1898 года абвешчана незалежная Філіпінская Рэспубліка на чале з Э. Агінальда. У выніку Амерыкана-філіпінскай вайны 1899—1901 гадах Філіпіны сталі калоніяй ЗША.

У 1916 годзе утворана Легіслатура Філіпін, а паводле закона і Канстытуцыі 1934 года у 1935 годзе быў створаны аўтаномны ўрад на чале з прэзідэнтам М. Л. Кесанам. У 1941–1942 гадах Філіпіны акупіравалі японскія войскі. У 1942–1944 гадах на востраве Лусон узброеную барацьбу супраць акупацыйных войскаў вяла партызанская армія Хукбалахап. У канцы 1944 – пачатку 1945 года тут адбыліся жорсткія баі паміж амерыканскімі і японскімі войскамі.

4 ліпеня 1946 года была абвешчана незалежнасць Філіпін. У 1965 годзе прэзідэнтам краіны абраны Ф. Маркас, які ў 1972 годзе увёў надзвычайнае становішча (да 1981 года) і замацаваў свае вялікія паўнамоцтвы. Дыктатура прэзідэнта і карупцыя сярод яго паплечнікаў прывялі да народных выступленняў у лютым 1986 года, і рэжым Маркаса быў скінуты. Новы ўрад пад кіраўніцтвам прэзідэнта К. Акіна правёў дэмакратызацыю палітычнага жыцця. Але ён і ўрад прэзідэнта Ф.Рамаса (1992–1998 гады) не здолелі рэфармаваць эканоміку Філіпін. Нягледзячы на мірнае пагадненне 1996 года з мусульманскімі арганізацыямі, радыкальныя ісламісцкія групоўкі на поўдні Філіпін працягваюць узброеную барацьбу супраць урада.

Культура

З сучасных пісьменнікаў ды мастакоў можна вылучыць Харкін Дэксімірэ ды іншых.

Гл. таксама

• Капампанганская мова

• А.С.Ханеня А.В.Салохiн, Філіпіны - кіраўніцтва для турыстаў, 2019 рок
• Iнфаграфiк па Філіпінах