Грушаўскі сквер
| Грушаўскі сквер | |
|---|---|
_p2.jpg?lang=be) | |
| Асноўная інфармацыя | |
| Тып | сквер |
| Размяшчэнне | |
| 53°53′10″ пн. ш. 27°31′09″ у. д.HGЯO | |
| Краіна | |
 | |
Грушаўскі сквер (руск.: Грушевский сквер) — сквер у Маскоўскім раёне Мінска. Тэрыторыя абмежавана вуліцамі Дзекабрыстаў, Парашутнай, Папаніна[1]. Высаджаны ў 1935 г. і пэўны час вядомы як «Сквер Дзекабрыстаў»[2].
Назва скверу прысвоена рашэннем Мінскага гарадскога савета дэпутатаў ад 23 верасня 2009 года, па назве гістарычнага прадмесця Грушаўка, якое ўзнікла ў канцы XIX — пачатку XX стагоддзя[1].
У пачатку XXI ст. сквер аточаны вышыннымі навабудамі, яго плошча зменшылася. Пратэст мясцовых жыхароў выклікала тое, што кампанія «Датч Стар» у канцы 2017 сабралася дабудаваць да жылога комплексу «Гранд Хаўз» яшчэ чатыры пад’езды на месцы часткі Грушаўскага скверу. Мінгарвыканкам у 2018 годзе зменшыў плошчу скверу пад будаўніцтва, у снежні 2019 анансаваў, але затым скасаваў грамадскія абмеркаванні новага праекту дэталёвага планавання. 12 студзеня 2020 мясцовыя жыхары выйшлі ў сквер і абвязалі дрэвы шалікамі, заклікаючы беражліва ставіцца да прыроды. Жыхары раёна Грушаўка пасля беспаспяховых скаргаў у шматлікія інстанцыі запісалі відэазварот да прэзідэнта Аляксандра Лукашэнкі[3]. Старшыні Савета Рэспублікі і Мінгарвыканкама выязджалі на месца, каб дэталёва разабрацца ў тым, што адбываецца. Высечка дрэў у выніку была спынена[4].
Зноскі
- ↑ а б Аб прысваенні найменаванняў безымянным скверам, праектуемым вуліцам г. Мінска і перайменаванні могілак г. Мінска(недаступная спасылка). Мінскі гарадскі Савет дэпутатаў (23 верасня 2009). Архівавана з першакрыніцы 5 сакавіка 2016. Праверана 4 ліпеня 2017.
- ↑ Тамара Хамицевич. Грушевские турникмены // Вечерний Минск, 19.05.2022 № 22 (12993), с. 32
- ↑ Абаронцы Грушаўскага сквэру ў Менску зьвярнуліся да Лукашэнкі. ВІДЭА. Радыё Свабода (21 студзеня 2020).
- ↑ Наталля Качанава: Прыёмы грамадзян — важная частка работы заканадаўцаў(недаступная спасылка). Звязда (14 лютага 2020). Архівавана з першакрыніцы 22 лютага 2020. Праверана 22 лютага 2020.
Спасылкі
[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх
