Гернсі

Бейлівік Гернсі
Bailiwick of Guernsey
Сцяг Герб
Гімн: «Sarnia Cherie (a)»
Заснавана	1204 (выдзелены з складу Нармандыі)
Афіцыйныя мовы	Англійская
Сталіца	Сент-Пітэр-Порт
Найбуйнейшыя гарады	Сент-Пітэр-Порт
Форма кіравання	Парламентарная манархія
Герцаг Лейтэнант-губернатар Бейліф Глава ўраду	Карл III Рычард Крыпуэл Рычард Мак-Магон Пітэр Фербраш
Тэрыторыя
• Агулам	78 км²
• % воднай паверхні	0
Насельніцтва Гернсі
• Ацэнка (2019)	62,792 чал.
• Шчыльнасць	837,8 чал./км²
ВУП (ППЗ)
• разам	2,1 млрд дол.
ІРЧП (2005)	0,975 (вельмі высокі)
Назвы жыхароў	Гернсійцы
Валюта	Брытанскі фунт (£, GBP), гернсійскі фунт (£, GGP)
Інтэрнэт-дамен	.gg
Код ISO	GG
Тэлефонны код	+44
Часавы пояс	+1
Аўтамабільны рух	злева[d]
a. Толькі калі патрабуецца выкананне адрознага ад брытанскага гімна
Медыяфайлы на Вікісховішчы

Невялікая капліца Les Vauxbelets, Гернсі

Гернсі (Сарнія, англ.: Guernsey /ˈgɜ:nzi/, /ˈɡɜrnzi/) — востраў у праліве Ла-Манш, у складзе Нармандскіх астравоў. Другі па велічыні (плошча — 63 км²) сярод Нармандскіх астравоў.

Насельніцтва — 65 031 чалавек (ліпень 2004). Сталіца — Сент-Пітэр-Порт. Афіцыйныя мовы — англійская, французская. Гернсі знаходзіцца пад юрысдыкцыяй брытанскай кароны, але не з'яўляецца часткай Вялікабрытаніі і не ўваходзіць у склад ЕС.

Геаграфія

Заходняе ўзбярэжжа вострава — гэта доўгія пясчаныя пляжы, паўднёвы бераг узносіцца на 100 метраў, на ўсходнім беразе знаходзіцца горад Сент-Пітэр-Порт. Самая высокая кропка востраву ўзносіцца на 114 метраў. Зіма на востраве лагодная, мяккая, а лета прахалоднае.

Гісторыя

Першыя сляды дзейнасці чалавека на востраве адносяцца да эпохі неаліту, калі Нармандскія астравы былі злучаны з кантынентальнай Еўропай. Каля 6000 гадоў таму, у выніку ўздыму ўзроўню акіянаў, астравы былі адрэзаны ад кантыненту, а разам з імі і іх жыхары.

У 933 годзе Нармандскія астравы сталі часткай Нармандскай кароны. У 1066 герцаг Нармандскі размясціў сваё войска ў Сасексе і стаў каралём Вільгельмам I. Яго графства Нармандскае, уключаючы Нармандскія астравы, стала агульным каралеўствам Англіі і Нармандыі. 138 гадоў праз кароль Іаан страціў вялікую частку герцагства Нармандскага, але Гернсі і іншыя Нармандскія астравы засталіся пад англійскім кіраваннем. У гэты час востраў развіў сваю ўласную сістэму кіравання і інстытуты парламентарызму, і сёння — гэта тэрыторыя з самастойным кіраваннем.

Археалагічныя раскопкі пацвердзілі, што ў 50-х гг. востраў Гернсі выкарыстоўвалася рымлянамі як гандлёвая база. У 1982 годзе на дне сучаснага порту быў знойдзены рымскі карабель. У канцы III стагоддзя, пасля падзення Рымскай імперыі, святы Самсон заснаваў на востраве Гернсі першую царкву.

У 933 годзе Нармандскія астравы былі заваяваны вікінгамі, яны далі пачатак Нармандскаму княству. У 1294 годзе значная частка насельніцтва астравоў загінула ў выніку вайны з Францыяй. Наступныя некалькі стагоддзяў астравы належалі то Англіі, то Францыі.

Пад час Другой Сусветнай вайны Нармандскія астравы трапілі ў нямецкую акупацыю. У гэтыя гады палова насельніцтва (20 000 чалавек), перасялілася ў Вялікабрытанію. Нямецкая акупацыя скончылася 9 мая 1945 года, і гэты дзень стаў дзяржаўным святам Гернсі. Пасля вайны асновай эканомікі Гернсі стаў турызм, а ў апошнія гады, усё большую частку займае банкаўскі сектар.

Дзяржаўны лад

Астравы Гернсі, Олдэрні і Сарк утвараюць каронныя землі брытанскай кароны. Кіраўніком рэгіёна з'яўляецца Елізавета II, якая кіруе праз губернатара. Заканадаўчая ўлада належаць парламенту, судовая — каралеўскаму суду.

Адміністрацыйна-тэрытарыяльнае дзяленне

Гернсі ў адміністрацыйным стаўленні дзеліцца на парафіі. На самім востраве Гернсі іх 10, акрамя таго асобнай парафіяй з'яўляецца Сент-Эн на востраве Олдэрні, якая ўваходзіць у гэтае кароннае валоданне. Астравы Сарк і Херм не ўваходзяць ні ў адну з парафій і з'яўляюцца самастойнымі адзінкамі ў складзе кароннага валодання брытанскай манархіі.

Насельніцтва

Астравы насяляюць гернсійцы (65 %) і брытанцы (25 %), а таксама французы, партугальцы, ірландцы. Рэлігійны склад насельніцтва прадстаўлены англіканамі (65 %) і каталікамі (35 %).

Спасылкі

• На Вікісховішчы ёсць медыяфайлы па тэме Гернсі