Аляксандр Анатольевіч Анісімаў
| Аляксандр Анатольевіч Анісімаў | |
|---|---|
| Дата нараджэння | красавік 1963 |
| Месца нараджэння | |
| Дата смерці | 27 студзеня 2025 (61 год) |
| Грамадзянства | |
| Адукацыя | |
| Прафесія | кінарэжысёр, сцэнарыст |
Аляксандр Анатольевіч Анісімаў (красавік 1963, Мінск — 27 студзеня 2025) — беларускі рэжысёр-пастаноўшчык і сцэнарыст мастацкага і дакументальнага кіно.
Біяграфія
[правіць | правіць зыходнік]Нарадзіўся ў красавіку 1963 года ў Мінску.
У 1994 годзе скончыў Беларускую дзяржаўную акадэмію мастацтваў, майстэрню кінарэжысёра Віктара Турава. З 1992 года пачаў здымаць як рэжысёр, першая работа — кароткаметражка «Кот».
Найбольш значныя ягоныя мастацкія фільмы — «Неверагоднае перамяшчэнне» (2014), «Сляды на вадзе» (2016), «Трымайся за аблокі» (2018), «Авантуры Пранціша Вырвіча» (2019).
Аўтар шэрагу дакументальных фільмаў — «Званар», «Не спыніцца гадзіннік», «Метафара» і інш, сам зняўся ў некалькіх ролях у кіно.
Лаўрэат міжнародных і рэспубліканскіх кінафорумаў[1].
Памёр 27 студзеня 2025 года[2].
Літаратура
[правіць | правіць зыходнік]- Белорусское кино : персоналии / Национальная киностудия «Беларусьфильм». — Минск, 2007. — С. 303.
- На экранах. — 2023. -№ 3. — С. 10-11.
Зноскі
[правіць | правіць зыходнік]- ↑ Фильм "Следы на воде" получил восемь наград "Национальной кинопремии Беларуси". belta.by.
- ↑ Пайшоў з жыцця беларускі кінарэжысёр Аляксандр Анісімаў. bel.sputnik.by (27 студзеня 2025).
Тэматычныя сайты | |
|---|---|
| Нарматыўны кантроль |
