Embu'

Èbhu/Embu’: Orèng seppo binè’

Èbhu/Embu’ iyâ  arèya orèng towa binè’ ḍâri ana’. Orèng binè’ bisa èsambhât èbhu/embu’ bilâ ampon ngalahirraghi ana’, arabât bân marajâ ana’, bhâghus ana’ kanḍungnga otabâ nyiyappaghi rahimma kaangghuy pembuahan èḍâlem kadhâddhiyân kehamilan pengganti.

Èbhu/embu’ ngaghungè peran sè cè’ pentèngnga ḍâ’ka ana’ bân sambhâdhân èbhu/embu’ bisa èsanḍârraghi ḍâ’ orèng binè’ sè bânnè orèng towa kanḍung sè atèngka akantha peran-na èbhu/embu’. Èbhu/embu’ kanḍung otabâ èbhu/embu’ biologis aroju’ ḍa’ orèng sè nyombhâng genentik-ka orèng binè’ ḍâ’ka janin lèbât hubungan lakè binè otâbâ sombhângan sèl telur. Partèngkana èbhu/embu’ rèya adhâddhiyâghi èbhu/embu’ ngaghungè hubungan biologis kalabân ana’ sè lahèrraghi., jhughâ adhâddhiyâghi èbhu/embu’ ngaghungè tangghung jâwâb hokom, sala sèttongnga aropa’aghi ḍughungan urusâ pèssè. Èbhu/embu’ angkat aroju’ḍâ’ ka orèng binè’ sè alèbâdhi jhâlân hokom, iyâ arèya ngala’ ana’ otabâ adopsi ana’. Contona iyâ arèya orèng towa angkat marghâna adopsi orèng towana sèdhâ/matè. Seddhèngan èbhu/embu’ bâllun aroju’ ḍâ’ orèng binè’ sè ngabin eppa’na ana’ kaangghuy aghâbây sèttong kalowarga.È ḍâlem Bhâsa Indonèsia, sambhâdhân èbhu/embu’ jhughân bisa ètojjhuwaghi ḍâ’ orèng binè’ laèn sè lebbi towa ètèmbhâng orèng sè nyambhât/ngolok otabâna mènangka ngormat ḍâ’ ka orèng binè’ ta’ kalabân ngabâs bhidhâna omor. Oca’ “mama” pon kasuwâr è Indonèsia. Èbhu/embu’ neng bhâsa gaullâ anḍi’ artè nyokap.