Hardekool

Hardekool
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Rosids
Orde:	Myrtales
Familie:	Combretaceae
Genus:	Combretum
Spesie:	C. imberbe
Binomiale naam
	Combretum imberbe; Wawra, (1860)
Sinonieme
	Combretum imberbe var. dielsii Engl.; Combretum imberbe var. petersii (Klotzsch) Engl. & Diels; Combretum imberbe var. truncatum (Welw. ex M.A.Lawson) Burtt Davy; Combretum petersii (Klotzsch) Engl.; Combretum primigenum Marloth ex Engl.; Combretum truncatum Welw. ex M.A.Lawson; Argyrodendron petersii Klotzsch;

Hardekool (Combretum imberbe) is 'n boom wat wydverspreid voorkom in die bosveld en langs riviere of droë waterweë noord van die 26° breedtegraad. Die stadiggroeiende boom wissel in grootte, van klein tot baie groot. Dit is die grootste Combretum-spesie in Suider-Afrika, en is benewens bekend om die besondere digtheid van die hout en langlewendheid.

Kenmerke

Die kroon is relatief oop en die blaredak meer dikwels karig as geslote. Die blare is grysgroen en word aan tenger takkies met stekels aan hul eindpunte gedra. Die bas is opmerklik bleek gekleurd, soms silwergrys, en is diep gegroef in 'n blokkiespatroon wat aan slangvel herinner. Die hoë takke bly 'n imposante gesig lank nadat die boom dood is, omdat die hout baie stadig verrot. Dit is bevestig dat sommige hardekole is meer as 'n 1 000 jaar oud word.

Die hout is uiters hard en dig soos die volksnaam "hardekool" suggereer. Die hout is van die swaarste timmerhout, maar word selde gebruik omrede dit so moeilik verwerk word. Voordat metaal beskikbaar was, is skoffellemme wel van die hout gemaak.

Verspreiding

Die spesie is inheems in Angola, Botswana, Eswatini, Malawi, Mosambiek, Namibië, Suid-Afrika, Tanzanië, Zambië en Zimbabwe. In Suid-Afrika kom die boom in Gauteng, KwaZulu-Natal, Limpopo, Mpumalanga en Noordwes voor.

Galery

Ruwe baspatroon
Grysgroen loof
Gekerfde Portugese kruis op 'n ou boom by Letaba, Krugerwildtuin
Hardkoolbome – Bosveld, olie op doek, 1944

Sien ook

Alfabetiese lys van Suid-Afrikaanse bome

Verwysings

Bronne

Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
REDLIST Sanbi
Plants of the World Online

Eksterne skakels

Wikimedia Commons het meer media in die kategorie Hardekool.
Wikispecies het meer inligting verwant aan Hardekool