流動支付[註 1]即係用手提電話或者其他流動裝置嚟畀錢嘅服務。喺唔使用現金、支票或者信用卡嘅情況下，消費者就可以用手提電話去找唔同服務、數碼產品或者實體商品嘅費用。雖然「非實體貨幣系統」呢個概念早就存在，不過要等到最近幾年，支援呢啲系統嘅科技先至開始普及。 而家喺世界各地，流動支付都有唔同嘅應用方式，唔同形式同技術發展都會影響各地使用流動支付嘅普及程度。
